Kuli kembisha umukulu. Masikili wakwa Davivi; uluntu Doegi umwina Edomu aishile kweba Shauli ati, elo aishile kulanda kuli yee ati, Davidi alishile mu ng'anda yakwa Ahimeleki.'' ¹ Nindo uitakishisha pa kupanga ifya bipa, we mpalume? Icipangano ca cishinka icakwa Lesa cisa cila bushiku. ² Ululimi lobe lupinga ubonaushi kabili lwatwa kwati lwembe, lubomba mu bucenjeshi. ³ Walitemwa ububi ukucila ubune elo no kubepa ukucila ukulanda ubulungami. ⁴ Walitemwa amashiwi yonse ayasusha bambi, we lulimi lwa bucenjeshi. ⁵ Lesa akakonaula umuyayaya; akakupita elo no ku kulepaula mwi tenti lyobe elo no ku kunukula mu calo caba mweo. ⁶ Na balunngama nabo bakabona ici no kutina; bakamuseka elo no kulanda ati, ⁷ ''Boneni, uyu emuntu uutacitile Lesa nge cakushinamo cakwe, lelo acetekele mu bwingi bwa fyuma fyakwe, elo kabili ali uwakosa uluntu akaonaula bamb.'' ⁸ Lelo kuli nebo, naba nge cimuti cakatapa katapa ica miolife mu ng'anda yakwa Lesa; nka cetekela mu cipanganoca cishinka icakwa Lesa umuyayaya no muyayaya pe. ⁹ Nkapela umutasha umuyayaya pafyo wa cita nkalolela pe shina lyobe, pantu lya bune, ku cinso ca bantu bobe.