Ilumbo lyakwa Davidi, ku kureta ukwibukisha. ¹ Yahweh, mwinkalipila mu cifukushi cenu; mwinkanda mubukali bwenu. ² Pantu imifwi yenu ilindashile, elo na boko yenu yalimponeshe panshi. ³ Umubili wandi onse ulilwele pamulandu wa bukali bwenu; tamuli ubumi busuma mu mafupa yandi pamulandu wa lubembu lwandi. ⁴ Pantu amampulu yandi yalimfimbile; fisendo ifyafina kuli nebo. ⁵ Pantu ifilonda fyandi na filaswa elo no kununka pamulandu wa membu shandi ishabupuka. ⁶ Ndikonkomene elo no kusebana cilbushiku; ndalilia akasuba konse. ⁷ Pantu muli nebo, ndiswilemo no kubilimuka; tamuli ubumi busuma mu mubili wandi. ⁸ Ndi ne canshi elo nokutobaika; ndateta pamulandu na malangulushi ya mutima wandi. ⁹ Shikulu, muleshiba ukuteta kwa mukati kandi, elo no kutenda kwandi takwafisama ukufuma kuli mwebo. ¹⁰ Umutima wandi ulatobaika, amaka yandi na yapwa, elo nokubona kwandi na kucepa. ¹¹ Ifibusa fyandi elo nabampalama na bansuula pamulandu wa cintu ndimo; abena mupalamano bandi batalama katalamukila. Abo abafwaya umweo wandi bateya iciteyo pali nebo. ¹² Abo abafwaya ukuncena balanda amashiwi ya kundofya elo nokulanda amashiwi ya miponto akasuba konse. ¹³ Lelo, naba ngo mwaume nkomya matwi elo ntomfwa akali konse; naba kwati mwaume cibulu uutalanda akali konse. ¹⁴ Naba kwati mwaume uutomfwa elo uutabwekeshapo. ¹⁵ Mucine ndolela pali mwebo, Yahweh; mukanjasuka, Shikulu mwe Lesa wandi. Naland ici pakweba ati abalwani bandi batontonkanyafye ifyabo pali nebo. ¹⁶ Amakasa yandi nga ya telela, bacita ifintu ifibi kuli nebo. ¹⁷ Pantu ndi muku ipununa, elo ndimukukalipwa ukwamutatakuya. ¹⁸ Natumbula umulandu wandi; ninjikatwa no lubembu. ¹⁹ Lelo abalwani bandi bengi; abo abampata ukwabula umulandu balifula. ²⁰ Bandambula ifibi pa busuma; bambepesha ifibi nangula mpepeka ubusuma. ²¹ Mwi ndaba, Yahweh; mwe Lesa wandi, mwiikala ukutali ukufuma kuli nebo. ²² Iseni bwangu mu njafwa, Shikulu, mwe pusukilo lyandi.