Ilumbo lyakwa Davidi. ¹ Yahweh, cilinganyeni abo abancilinganya; lwni na balwa na nebo. ² Buleni inkwela yenu iinono elo ne nkwela iikulu; imeni no kungafwa. ³ Bomfyeni ifuumo lyenu elo ne sembe lya kulwilako ukulwisha abo abamfulumuna; landeni ku mweo wandi ati, ''Ni nebo ipusukilo lyobe.'' ⁴ Abo abafwaya umweo wandi kabalengwe insoni elo no kusaalukwa. Lekeni abo abapingila ukunjimina ba bwekeshiwemo no kwi katwa. ⁵ Lekeni babe nge mito kuntanshi ya cimwela. ilyo malaika wakwa Yahweh akobatamfisha ukutali. ⁶ Lekeni inshila yabo ibe fititi elo iyatelela, ilyo malaika wakwa Yahweh akobabutausha. ⁷ Apabula umulandu balanteya isumbu lyabo; apabula umulandu balinjimbila inindi iya mweo andi. ⁸ Lekeni ubonaushi bu bapitepo mukubasungusha. Lekeni bekatwe mwi sumbi bateyele abene. Lekeni baponene muli cena, ku konaula kwabo. ⁹ Nomba nkabafye uwasangalalisha muli Yahweh elo no kusekelela mwi pusukilo lyakwe. ¹⁰ Yonse amafupa yandi yakalanda ati, ''Yahweh, nani aba nga webo, uupususha abatitikishiwa kuli abo abamaka pali bo elo na baina na balaanda ukufuma kuli abo abesha ukubebia?'' ¹¹ Bakambone ba bula ubulungami baima; bakombepesha ifya bufi. ¹² Bankoncitila ifibi pafisuma fyandi. Ndi uwabulanda ¹³ Nomba, uluntu bena balweele, nebo nalifwele insalu sha bulanda; nalibafungile bena no mutwe wandi wakontamine pa cifuba candi. ¹⁴ Naile mukulilishika nga kuli ndume yandi;nalikonteme mukulosha kwati ni bamayo. ¹⁵ Nomba uluntu naipunwine, balisekelele elo no kulongana capamo; baishile kunkolonganina capamo, elo nebo balimapwishe bena. Bena balepawile nebo ukwabula ukuleka. ¹⁶ Ukwabula umucinshi nangu pamo bena bakontumfya; bakosumanya ameno yabo pali nebo mu bubi. ¹⁷ Mwe Shikulu, mukaleka lisa ukuloleshafye? pususheni umweo wandi ukufuma ku kupakasa kwa bonaushi bwabo, ubumi bwandi ukufuma ku nkalamo. ¹⁸ Eluntu nebo nkatusha mukukolonga kwe bumba line line; nka kulumbanya pakati ka cintu bwngi. ¹⁹ Mwileka abalwani bandi ababufi basefye pali nebo; Mwi baleka balekutwalilila ukucita amapange yabo ayabipa. ²⁰ Pantu bena tabalanda mutende, lelo ba bepa amashiwi ya bufi pali abo abekala mu mutende mu calo cesu. ²¹ Bena bkoswisha utunwa twabo pali nebo; bakolanda ati, ''Aaa, Aaa, amenso yesu na yacibona.'' ²² Mwali bona ico, Yahweh, mwi bafye tondolo; mwe Shikulu, mwiba na nebo. ²³ Imyeni mwebene elo nokushibuka mukuncingilila; mwe Lesa wandi kabili mwe Shikulu wandi, mukalekunandilako insambu shandi. ²⁴ Mbakilileni nebo, Yahweh Lesa wandi, pamulandu wa bulangami bwenu; mwibaleka balekusangalala pali nebo. ²⁵ Mwibaleka balande mu mitima yabo ati, ''Aaa, natukwata ico twali kufaya.'' Mwileka bena balekulanda ati, ''Fwebo na tumonaula ena.'' ²⁶ Lekeni balengwe insoni no kuwila pamo abasekela pa macushi yandi. Lekeni abo abaisumbula pali nebo bafwikwe insoni no kusalukwa. ²⁷ Lekeni abo abakabila ukunandilako ba bilikishe ne nsansa elo nokusangalala; lekeni batwalilile ukulanda ati, ''Yahweh alumbanishiwe, ena eusaminwa mu mutende wa babomfi bakwe.'' ²⁸ Eluntu nebo nkashimika palwa mulinganya wenu elo no kumilumbanya akasuba konse.