¹ Ulwimbo lwakunininapo. Yahweh, pamulanduwakwa David ibukisheni ukusebana kwakwe konse. ² Ibukisheni ifyo ena alapile kuli Yahweh, ifyo ena alapile umulapo kuwamaka yakwa Yakobo ³ Ena alandile ati, ''Nebo ntakengila mung'anda yandi nangula takapite ubusanshi bwandi. ⁴ Nebo ntakape amenso yandi ukusendama nangualaukutusha ku nkopyo shakumenso yandi ⁵ Mpaka nebo nsange incende pali Yahweh, ing'anda yawamaka yakwa Yakobo.'' ⁶ Boneni, fwebo tulyumfwile palwaici mu Efrathah; twalicisangile mu mabala yakwa Jaar. ⁷ Fwebo tuli nokuya mung'anda yakwa Lesa; fwebo tuli no kumushinshimuna kucipuna camakasa yakwe. Mwe Yahweh, ⁸ Imeni, kuncende yenu iyakutushishamo, mwebo elo nembokoshi yacipangano cabulamba! ⁹ Leka bashimapepo bobe balekufwala ubulungami; leka abacishinka bobe baule utumpundu twakusekelela. ¹⁰ Pamulandu wamusha obe David, mwifutatila umusumba wamfumu yasubwa. ¹¹ Yahweh walilapile umulapo uwacine uutakalulwe kuli David, umulapo wacine uwo takelule: ''Nebo nkabikapo umo uwamu bufyashi bobe pacipuna cobe iccbufumu. ¹² Ngacakuti abana bobe abaume basunga icipangano candi elo namafunde ayo nebo nkobasambilisha, abana babo balinokwikala pacipuna cobe icabufumu nakaili umuyayaya no muyayaya.'' ¹³ Cine cine Yahweh alisala Zion, elo akabila ukuba icifulo cakwe. ¹⁴ ''Pano eponakulatushisha umuyayaya. Nebo nkekala pano, pantu epo nagwaisha. ¹⁵ Nebo nkamupala nefilyo. Nebo nkekusha abalanda bakwe no mukate. ¹⁶ Nebo nkafwika bashimapepo bakwenepusukilo, abacishinka bakwe bakaula utumpundu. ¹⁷ Palya epo nkalenga isengo lyakwa David ukumena nokupekanyapo inyali pawakusubwa wandi. ¹⁸ Nebo nkafwika abalwani bakwe insoni, nomba pali yee icisote cakwe icabufumu cikalekubengeshima.''