¹ Peleni ukutasha kuli Yahweh, pantu ena wabune, pantu icipangano cacishinka cakwe cikabapo umuyayaya. ² Lekeni Israel alande ati, ''Ena ecipangano cacishinka cakwe cikabapo umuyayaya.'' ⁴ Lekeni inganda yakwa Aroni ilande ati, ''ena icipangano cacishinka cakwe cikabapo umuyayaya.'' ³ Lekeni abakatina mukukonka Yahwe balanda ati, ''ena icipangano cacishinka cakwe cikabapo umuyayaya.'' ⁵ Mukumanama kwandi nebo naishile kukuta kuli Yahwe; Yahweh ali sasukile elo nokundenga ukuba umuntungwa. ⁶ Yahweh ali nanebo; nebo nshakabe nomwenso, cindo umuntu enga cita kuli nebo ? ⁷ Yahwe ali pambali alindi nga kafwa wandi,' nebo nkabona ukusefya pali abo bonse abapata. ⁸ Cabune ukuba muli Yahweh ukucila ukushintilila mu muntu. ⁹ Cabune ukuba muli Yahweh ukucila ukubika icisumino muli umo umukankala. ¹⁰ Imishobo shonse shalinshinguluka; mwi shina lyakwa Yahweh nebo nabaputwilileko. ¹¹ Bena balishingulwike nebo, bena balinshingulwike; mwi shina lyakwa Yahweh nabaputwilileko. ¹² Bena balisngulukile kwai ni nshimu; baishile kuluba mu kwangufyanya ngo mulilo mu myunga; ni mwi shina lyakwa Yahweh nebo nabaputwilileko. ¹³ Baishile kunjimina nebo pakungwisha panshi, nomba Yahweh alingafwile. ¹⁴ Yahweh emaka yandi ne nsansa, kabili eumo uyo uumpokololako. ¹⁵ Ukupunda kwa nsansa ukukulu ukwa kucimfya kulyumfwikile mu tenti ya bololoke; ukuboko kwakwa Yahweh ukwa ku kulyo kulacimfya. ¹⁶ Ukuboko kwa ku kulyo kwakwa Yahweh kwalisumbulwa; ukuboko kwa kukulyo kwakwa Yahaweh kwa bulamba. ¹⁷ Nebo ntafwe, lelo nkoba no bumi no kushimika ificitwa Yahweh. ¹⁸ Yahweh alinsalapile icibi; nomba tandekele ukuya ku mfwa. ¹⁹ Njiswileniko impongolo ya bololoke; emo nalaingila elo no kupela ukutasha kuli Yahweh. ²⁰ Iyi ni mpongolo yakwa Yahweh; epo abololoke bengila. ²¹ Nkopela ukutasha kuli webo, pantu wa libasukile, elo ulipusukilo lyandi. ²² Ilibwe ilyo bakakula bakene elyaisakuba ilibwe lya pe tungi. ²³ Uku kubomba kwkwa Yahweh; ca kupapa mu menso yesu. ²⁴ Ubu ebushiku ubo Yahweh acita; emo fwebo tukasekelela no kwangila. ²⁵ Napapata, Yahweh tupeni ukucimfya! Napapata, Yahweh, tupeni ukutunguluka! ²⁶ Alipalwa uyo uukoishila mwi shina lyakwa Yahweh; fwebo twakupalila mu ng'anda yakwa Yahweh. ²⁷ Yahweh e Lesa, elo alitupela ulubuto; kakeni ifya malambo ne ntambo ku nsengo sha pa bulambo. ²⁸ Ni webo Lesa wandi na kulapela ukutasha; ni webo Lesa wandi; nebo nakulakusumbula. ²⁹ Yangu, peleni ukutasha kuli Yahweh; pantu wa bune; pantu icikuku cakwe ca muyayaya.