1 Lumbanyeni Yaweh mulumbanyeni ena, mwebo mwebo mwebabomfi bakwa Yaweh; Lumbanyeni ishina lyakwa yaweh. 2 Licindikwe ishina lyakwa Yaweh, ukutula nomba nomuyayaya. 3 Ukufuma kukutula kwakasuba ukufika kukuwa kwakako, ishina lyakwa Yaweh libe ilyakulumbanishiwa. 4 Yaweh alipamulu ukucila inko shons, nobukata bwakwe bwafika pamulu wa myulu. 5 Nani uwaba nga Yaweh Lesa wesu, uwakwata icipuna cakwe pamulu, 6 uyo uulolesha panshi pa myulu elo napa calo? 7 Ena emya umulanda ukufuma mufiko nokusumbula umupina ukufuma pa cishala, 8 pakuti ena engamwikalika ena pamo nabakankala bamu bantu bakwe. 9 Ena apeele ing'umba ing'anda umwakwikala, ena alenga aba nyina wansansa wabana. Lumbanyeni Yaweh.