Kumukulu wakuba kemba. Ilumbo lyakwa Davidi. 1 Ndyubile muli Yahweh; cindo wingalanda kuli nebo, ''Fulumuka kwati coni ku lupili''? 2 Pantu bona ababifi bapekanya amata yabo. Bapekanya ne mifwi yabo pantambo ku kulasa mu mfinshi pabakutambalala mu mitima. 3 Pantu ngemifola yaonaulwa, cindo abalungami bengacita? 4 Yahweh ali mwi tempele lyakwe ilya mushilo; amenso yakwe yalabona, amenso yakwe yalelengula abana ba bantu. 5 Yahweh alalengula bons abalungami elo na babifi, lelo alipata abo abatemwa ukucita ifi mfulunganya. 6 Akesakulolekesha pa babifi umulilo na mabwe yamingu; no mwela uubabula ukesakuba icakaniko ukufuma muli kapu wakwe! 7 Pantu Yahweh wakulungama elo alitemwa ubulungami; abakutambalala bakabona icinso cakwe.