¹ Yahweh alandile kuli Mose, ati, '' ² nga uuli onse abembuka nokucita ukwabula bucinshinka bucishinka, kuli Yahweh ukupitila mukulufya umnankwe pacili conse icikumine bucshinka , ³ nangula acimushila ifyakusunga, nangula pa fintu fimo ifyaibwa, nangula acilacushiwa kumwina mupalamano wakwe, nangula asanga ifintu fimo ifyo umunankwe alufya elo abepa ubufi, nangula alapa ubufi, nangula mulyashi lyonse ilyapala ifi umo abantu babembukila, ⁴ kabili nganabembuka asangwa nauwashininwa, afwile abwesha fyonse ifyo asendele mubufyumfyuntungu, nangula cilya icapelwe kuli wena, nangu cilya icalubilo elo acisanga. ⁵ Namukulundapo, mulyashi lyonse ilyo alapa mo bufibufi, afwile ukubwesha umwipwilapo nokulundapo icapalifisano nokupela kumwine pali bulya bwine bushiku asangwa nokushininwa. ⁶ Elo afwile ukuleta icabupe cakushininwa kuli Yahweh, impamnga iyabula akalema ukufuma pamukuni iikwete ubukumu, ngo bwacabupe cakushininwa kuli shi mapepo. ⁷ Shimapepo akaleta capamo kuli Yahweh , nao akelelwa imembu shonse aacitile.'' ⁸ Elyo Yahweh atile kuli Mose, ati, ⁹ konkomesha Aarone nabana bakwe, ukutila, 'Ili efunde lyacabupe ca koca; Icabupe cakoc cifwile caocelwapacipailo ubushikubonse mpaka ulucelo, nomulilo wapacipailo ulinokukonkanyapo ukupya. ¹⁰ Ilyo shimapepo akabika pansalu yakwe sha kolokondwe, elo akabika pansalu shakwe isha kolokondwe isha panshi. ¹¹ Akasenda imito ikashalapo pamulilo apocelwe icabupe cakoca pacpailo. Akafumyako umwingila nokufwala imingila imbipakusenda imito kunse yankambi kuncende iya busaka. ¹² Umulilo pacipailo uksungwa uwaaka.taufwile ukushima iyo, nashimapepo akalaoca inkuni cila lucelo. Akatantika iyamabupe fya koca ngefyo cilefwaikwa, kabili akocapo namafuta ya cabupe ca mutende. ¹³ Umulilo ulingile ukukonkanyapo ukupya mukutwalilila. taufwile ukushima. ¹⁴ Ili efunde lya cabupe cangano. Abana ba kwa Aarone bacipela pali Yahweh pa cipailo. ¹⁵ Shimapepo akasendapo tu fulaolo utunono utwa cabupe ca nganonamafuta na aya cena cisuma ifili pa cabupe cangano, kabili akacoca pa cipailo kukuleta icena cisuma nge cakwimininako ubupe. ¹⁶ Aaroni nabana bakwe bakalya fyonse ifyashalapo ku cabupe. cifwile ukuliwa ukwabula intutumushi muncende iya shila.Bakalya mukati kancende ya kulonganinamo. ¹⁷ tacifwile ukupangwa na intutumushi.Nimbapela ici nga cimo icakaniko cabo mufyabupe fyandi ifyapita kumulilo. cintu cashila, nge cabupe calubemba ne cabupe cakushininwa. ¹⁸ Umwaume onse uwa mumfyalwa yakwa Aarone kuti alya ici casuminishiwa ukuyaumuyayaya munkulo yobe, senda ukufuma pa muliloicabupe icapangilwa Yahweh.onse uwaikatako akaba uwamushilo.' ¹⁹ Ico Yahweh atle kuli Mose nakabili ati, ukutila, ²⁰ ''Ici eca bupe cakwa Aaron nabana bakwe, ifyo ba kapela kuli Yahweh pali bulya bushiku cila mwana akasubwa; icekumi ca kwa efa ica fulaulo musuma ngaicabupe cacilanshita icangano, lubali lumo ulucelo lubali lumbi icungulo. ²¹ Cikapangwa namafuta pali pani wa kupangilapo. Ngacafubilwa, ulinokucileta mukati.Mutupimfya twakandaulwa ulikupela icabupe cangano kukufumya icena cisuma kuli Yahweh. ²² Shimapepo uwasubwa ukufuma pabana akapela. Ngefyo ca konkomeshiwa umuyaya, cifwile caocewa umupwilapo kuli Yahweh. ²³ Icabupe cangano conse icakwashimapepo cikociwe umupwilapo. Tacifwile ukuliwa.'' ²⁴ Yahweh alandile kuli Mose nakabili, nokutila ati, ²⁵ kuli Aarone nabana bakwe, Landa, 'Ili efunde lyapa cabupe calubembu; Icabupe calubembu cifwile ukwipaiwa pancende pantu icabupe cakoca cipailwa pali Yahweh. Cintu cashila abili icashilisha. ²⁶ Shimapepo uupela pamembu shakwe akalya .Cifwile ukulilwa muncende iya shila mulubansa ulwancende yakulonganinamo. ²⁷ Conse icaikata umunani waiko cikaba icasanguluka, kabili umulopa ngawakanwa pa mwingila uuli onse, mulingile ukwashako, iciputulwa kulya kwacitonena umulopa, muncende iyashila. ²⁸ Lelo inongo muntu baipika ifwile ukutobaulwa. Ngayaipikwa mumpoto ya mukuba, ifwile yasukululwa nokukusako bwino mumenshi ayabuta. ²⁹ Umwaume onse uwapali bashimapepo kuti alyako pantu cintu cashilisha. ³⁰ Lelo conse icabupe calubembu icaletwa muncende yakulonganinamo kukupanga icakuletapamo muncende iyashila tacifwile ukuliwa. cifwile ukocewa nomulilo.