¹ Ibukisheni, Yawe, ifyacitika kuli ifwe; lolesheni na kumona ukusebana kwesu. ² Icabupyani cesu nacipilibwilwa ku beni; amayanda yesu ku balebeshi. ³ Natuba abana bashiwa, ababula wishi, na bamayo nga bamukamfwilwa. ⁴ Tufwile ukulipila Sifere pa menshi tunwa, Kabili tufwile ukulipila silfere pakukwata ifimuti fyesu. ⁵ Abo abaletupeka bali mupepi yesu; natunaku kabili tatulesanga ubutusho. ⁶ Natupela kuli Eguputi na kuli syria pakuti twinga kwata ifyakulya ifyalinga. ⁷ Bashifwe balibembwike, kabili tababapo, kabili twaisenda amampulu yabo. ⁸ Abasha balatuteka, kabili takuli nangu umo uwakutupokololako mu maboko yabo. ⁹ Tusenda umukate ukupitila mukubika imyeo yesu mukayofi, pamulandu wa lupanga mu matololo. ¹⁰ Inkanda yesu nayaluka lyakaba nga citofu pamulandu wakukaba kwakupya ukwa nsala. ¹¹ Bana mayo balalungana nabena pabukangalume mu sioni, na bana cisungu mu misumba wa Yuda. ¹² Bashi mucindikwa bakulikwa na maboko yabo, kabili abakalamba tababacindika. ¹³ Abaume abaice balapatikishiwa ukupela inseke ku mpelelo, na balumendo balatwikwa ifimuti ifyafina. ¹⁴ Abakalamba nabasha impongolo sha musumba, na baume abaice nabasha ifilimba. ¹⁵ insansa sha mutima wesu shalipwa no kushana kwesu kwalyaluka mukulosha. ¹⁶ Icilongwe nacipona ku mitwe yesu; akalanda kuli ifwe, pantu twalibembuka! ¹⁷ Pali ifi imitima yesu yalilwala, pali ifi ifintu amenso yesu yaleshimantukila. ¹⁸ Pantu ulupili lwa sioni lwalipomoka, na ba mumbwe balanyataukamo. ¹⁹ Lelo imwe, Yawe, mulateka umuyayaya, kabili mukekala pa cipuna cenu ukufuma inkulo ne nkulo. ²⁰ Ninshi mwatulabila umuyayaya? ninshi mwatulekelesesha ku kutantalila kwanshiku shenu? ²¹ Tubwesheni kuli mwebene, Yawe, kabili tukabweshiwa. Bwekeshenipo inshiku shesu ngefyo cali kale. ²² Kanofye nga mwalitukanina kabili nga mwalitufulilwa ukucila mucipimo.