1 Ine ndi muntun uwamona ubucushi mwisamba lya nkonto ya cifukushi ca kwa Yawe. 2 Alimfumya kumbi elyo no kuntipa ine ukwenda mu mfimfi ukucila mulubuto. 3 Icacine ni kuli ine alwila ukuboko kwakwe pali ine libili libili akasuba konse. 4 Alenga umubili wandi ne nkanda yandi ukupwa atobaula amafupa yandi. 5 Akula icibumba ukuncilikila, pa kuti anshingulushe no bukali elyo bucushi. 6 Anenga ukwakala muncenda ishafita kwati ni abo abafwile inshita yakale. 7 Akula icibumba ukunshingulusha elyo ine tejuti mfyuke. Alenga iminyololo yandi ukufima. 8 Elyo nangu naita no kulila ukufwaya ubwafwilisho, alesala ipepo lyandi. 9 Esala inshila yandi ne cibumba ca mabwe ayafina; alenga inshila shandi ukunyongana. 10 Ali kwati ni bene uumbelamine ukundolela, kwati ni nkalamo iifiseme; 11 Apilibukila lubali lwa nshila yandi, anenga ukuba uwalekeleshiwa. 12 Akontamika ubuta bwakwe ukucita ine nga ica kulasapo umufwi wakwe. 13 Andasa ku mfyo shandi imifwisha mu mufuko wakwe. 14 Ine nsangwike ica kuwela ku bantu bandi bonse, banyimbila ne nyimbo shabo akasuba konse. 15 Anwishishe ine ifyalula elyo ampatikishe ukunwa amalulu. 16 Alenga amenso yandi ukusokoka pansakalabwe, elyo amenga ukuwila mu mito. 17 Umweo wandi wapokwa umutende; ine nalaba ifyo ukutunguluka kwaba. 18 Kanshi ine nasosele ati, ''Ukushipikisha kwandi nakuloba elyo ne subilo lyandi muli Yawe.'' 19 Ibukisha ifya kucula fyandi elyo ne fya kulanguluka fyandi, fya malulu elyo ne fyalula. 20 Ine natwalilile ukwibukisha ici elyo umweo wandi wakonteme panshi muli ine wine. 21 Lelo ine naibukishe ici mu mano yandi. Eico kanshi ine nalikwataisubilo; 22 Icitemwiko cakwa Yawe tacipwa elyo ne cikuku ca kwe tacakwata impela, 23 Cila lucelo fyaba ifipya; icishinka cobe cikalamba. 24 "Yawe eca kupyaninina candi, ''Efyasosa umweo wandi, eico ine ndi nesubilo muli ena. 25 Yawe musuma kuli abo abalolela pali ena, ku mweo uyo uufwaya ena 26 Cisuma ukulolela tontolo pe pusukilo lya kwa Yawe. 27 Cisuma ku muntu uyo uusenda ikolo muli bumusepela bwakwe. 28 Lekeni wkale eka umutatalila, ilyo baleta pali ena. 29 Lekeni abike akanwa kakwe mu lukungu - limbi kuti kwaba isubilo. 30 Lekeni apele isaya lya kwe ku ukemuma ena, elyo lekeni ena esulemo pamo umusebanya. 31 Pantu shikulu takatukane ifwe umuyayaya. 32 Lelo nelyo ingaleta ifya balanda, ali no kukwata inkumbu ukulingana no bwingi bwa kutemwa ukushipwa. 33 Pantu tekufwaya kwa kufuma mu mutima wakwe acushisha nangu ukulenga abana babantu ubulanda. 34 Akafungaula abafungwa bonse ababa mwisonde panshi ya makasa, 35 Ukukanina ukupingwila umuntu umulinganya muceni ca wapulamo. 36 Mukufyenga umuntu mukulubulula kwa kwe shikulu tasumina kufintu fyo! 37 Nani uwa cisosele elyo cikese citika, kano fye shikulu acisosa? 38 Bushe temukanwa ka wapulamo ifyo fyonse ifibi ne fisuma fifuma? Umuntu kuti ailishanya shani uwa mweo? 39 umuntu kuti ailishanya shani pa ku kandwa pa menbu sha kwe? 40 Lekeni ifwe tulolekeshe pa mubele yesu no kuyesha elyo lekeni tubwelele kuli Yawe. 41 Lekeni ifwe tusumbule imitima yesu elyo na maboko yesu kuli Lesa mu myulu. 42 "Ifwe twalibifya elyo no kupondoka, elyo tawatulekelela iyo. 43 Iwe walifimbana we mwene ubukali elyo no kutusupila ifwe, mwalitwipaya elyo tamwatulekelela. 44 Imwe mwalifimba amakumbi pa kuti takuli ipepo nelyo limo ilingapita ukufika uko. 45 Mwatucita kwati ninkokoto nangu ifisoso elyo mwatusula mukati ka bantunse. 46 Abalwani besu bonse balatutipa ifwe, 47 Umwenso nenindi nafisa pali ifwe, ukubongoloka no bonauhsi. 48 Amenso yandi yapongolola utumilonga twa filamba pamulandu wa bonaushi pa bantu bandi. 49 Amenso yandi yakalali ifilamba ukwabula ukuleka ukwebula ukutalala, 50 mpaka fye Yawe ukufuma ku mulu akaloleshe panshi elyo no kumona. 51 Amenso yandi yacusha umuntu wandi pa mulandu wa bana banakashi bonse aba mu musumba. 52 Ine balanunga kwati cunu kuli abo ababa abalwani bandi; balanunga ine apabula umulandu. 53 Baputula umweo wandi mucilindi, elyo baposa amabwe pali ine. 54 Elyo amenshi yaisa paluluka yafimba umutwe wandi. Ine nasosa ati, 'Ine capwa naputulwako!' 55 Ine naita pe shina lyobe, Yawe, ukufuma mukulepa kwa cilindi. 56 Iwe waumfwile ishiwi lyandi ilyo ine nasosele ati, 'wiisala amatwi yobe ku kalila kwandi ukufwaya ukungafwa. 57 Iwe washile mupepi mu bushiku ine naitile pali iwe; iwe wasosele, 'witina. 58 Shikulu iwe wa cingilila umweom wandi ukufuma kufitipu, mwalubula ubumi bwandi! 59 Yawe, iwe walimona ifibi ifyo bacita kuli ine, pinguleni umulandu wandi. 60 Imwe mwalimona icilandushi cabo conse, amapange yabo yonse pali ine. 61 Mwalyamfwa imiponto yabo, Yawe, elyo ne mulandu yabo palwa ine. 62 Imilomo elyo no tuntepentepo twabalwani bandi fisa pali ine akasuba konse. 63 Lolesha ifyo bekala elyo nefyo bemya; bapumya ine munyimbo shabo. 64 Bapeni ukulingana ne fyalingana fya balinga Yawe, ukulingana ne micitile ya minwe yabo. 65 Mulinge imitima yabo iyansoni! lekeni ukuseka kwenu kube pali bena! 66 Imwe mubasupile mubukali elyo no ku bonaula bena ukufuma pesamba lya myulu mwe Yawe!''