¹ Umusumba uyo panshita imo wali uwaisula abantu nomba wikele umwabula nangu umo. Waba nomba nga mukamfwilwa, nangula wali lukom lwa bulamba. Lwali ni kateka wa nko shimbi, lelo nomba wapotelwa kuli bukole. ² Alila akalanda mu nshita ya bushiku kabili ifilamba fyakwe fyandalala pa masaya yakwe. Tapali pa batemwikwa bakwe uwakumutalalika. BUshe bacibusa wakwe nabamufutuka. Bene nabesaba abalwani bakwe. ³ Yuda nasendwa muli bunkole panuma yakucushiwa kabili nokumanama ukukalamba. Wene aleikala mukati ka nko shimbi kabili takwete nokutusha. Bonse abamusupila ba mwikata mu matabo tabo yakwe. ⁴ Inshila sha Sion shilelosha pantu tapali nangu umo uleisa ku mitebeto yasontwa shonse mpongolo shakwe nashikankambwa. Bashimapepo bakwe balecushiwa, kabili na palwa wene, cili ica mubipila. ⁵ Abalwani bakwe ebali ba shikulu bakwe nomba; abalwani bakwe bene baletunguluka Yawe nabacusha palwa membu shabo ishingi. Abana bakwe abengi nabaya muli bunkole ku balwani bakwe. ⁶ Ubucindami nabufuma pabana banakashi ba kwa Sion. Ba kateka bakwe bali kwati ninsebula iyishingasanga umulemfwe, Kabili bene baba ababula maka nakuli abo aba bapakasa. ⁷ Mu nshiku sha kucushiwa kwakwe no kubula apakwikala kwakwe, Yerusalemu alinokwibukisha fyonse ifyuma fyakwe ifikankala ifyo akwete mu nshiku shakwe baponene mu minwe ya balwani, takuli nangu umo uwamwafwilishe. Abalwani bakwe baamwene no kumupumya pa konaika kwakwe. ⁸ Yerusalemu alibembuka apakalamba eco kanshi, wene ali uwasulwa nge cintu cili no busali. bonse abamupele umucishi nomba na bamusula ico bene nabamona ubwamba bwakwe. Wene alelilishika no kwesha ukwalukako. ⁹ Ali uwakowela mukati kapo afwalile wene tatontonkenye palwa kuntashi yakwe. Ukuwa Kwakwe kwali kwakupapusha. Tapali nangu umo uwa kumutaalalika. Alililesana, ''Lolesheni pa busushi bwandi Yawe, ico umulwani aisaba uwakulisha sana!'' ¹⁰ Umulwani nabika ukuboko kwakwe pa fyuma fyesu ifikankala. Wene na mona inko ukwingila umwashila mwakwe, Nangula mwakonkomeshe ukuti tabuli nokwingila muncende ya lukuta lwenu. ¹¹ Bonse abantu bakwe balelilishika ilyo balefwaya kakulya. Bene nabapela ifyuma fyabo ifikankala ukukabulamo nefyakulya ku kusunga imyeo, yabo, Ndolesheni, Yawe, noku ng'angwa ico ndifye icabula ubuyo. ¹² Tacili kantu kuli imwe, Kuli imwe bonse abapita? Lolesheni no kumona nga kuli ubulanda bwa umbi ubwaba ngo bulanda ubo ubulebikwa pali ine. Pantu Yawe na ncusha mu bushiku bwa bukali bwakwe bwakutinya. ¹³ Kufuma ukwa sansabala eko atumine umulilo mu mafupa yandi, kabili nauyacimfya. Wene afungulwile sumbu palwa nkasa shandi kabili noku ubwelulusha. Wene anengele ukuba uwasulwako inshita yonse kabili ninakuka. ¹⁴ Ikoli lya mampulu yandi nalikakwa pamo kukuboko kwakwe. Fyene nafipikulwa pamo nokubikwa pa mukoshi wandi. Wene alengele ubukose bwandi ukufilwa. Shikulu nampela mu minwe yabo, kabili nshili na maka yakwiminina. ¹⁵ Shikulu na pampula lubali bonse abaume ba bulamba abalencingilila. Wene nacita ulukuta palwa ine kukushonaula mukwangufyanya abaume bandi shikulu na nyantaula ba nacisungu ba kwa Yuda mu cakufininamo ing'ano. ¹⁶ Palwa ifi fintu ndalilishika, amenso yandi yafumfumuka ifilamba; Ico katalalika ali ukutali naine, uyo uwunbwesesha umweo wandi. Abena bandi nabasulwako pantu umulwani nancimfya. ¹⁷ Sion nafungulula amaboko yakwe; tapali uwakumutalalika. Yawe nakonkomesha ukuti abo abashingulwike Yakobo bafwile ukuba abalwani bakwe. Yelusalemu cintu cimo icakowela kuli bena. ¹⁸ Yawe mulungami ico ndi uwa sangukila amalango yakwe. Umfweni, mwebantuse no kumona ubulanda bwandi. bana cisungu bandi na baume bakalabana bandi nabasendwa muli buukole. ¹⁹ Naitile ku batemwikwa bandi, lelo bene bali bushikanfutu kuli ine. Bashi mapepo bandi na bakalamba bandi baonawilwe mu musumba. Ilyo bene balefwaya ofyakulya ku kusunga imyeo yabo. ²⁰ Ndolesheni, Yawe, ico ndi mukushikitika; ndetutuma mu nda yandi, umutima wandi naulubana muli ine, ico naliba uwabusangushi, ulupanga luleonaula, mukati ka ng'anda mulifye imfwa. ²¹ Bene nabomfwa ukulilishika kwandi, lelo takuli nangu umo uwakuntalalika. Bonse abalwani bandi balyumfwa amacushi yandi, kabili balesekelela ukuta naucita ici. Bauleta ubushiku wabilishe, nomba leka bene babe nga ine. ²² Leka ububifi bwabo bwise pa mulola aboe. Cita kuli bene ifyo ucitile kuli ine panulandu wa mampulu yandi. UKulilishinka kwandi kwingi kabili umutima wandi wanakuka.