¹ Ishina ilisuma lya wamapo ukucila amafuta ayanukila ayaluma umutengo kabili ubushiku bwa mfwa bwawamapo ukucila ubushiku bwa kufyalwa. ² Cawamapo ukuya kung'anda yakulosha ukucila ukuya ku ng'anda ya malila, pantu ukulosha kwisa ku bantu bonse pa mpela ya mweo wabo, eico abantu abomi bafwile basenda ici pamutima. ³ Icililishi cawamapo ukucila inseko, pantu panuma ya bulanda bwa pa menso pesa ukusekelela kwa mutima. ⁴ Umuntuma wa wamano waba ku ng'anda ya kulosha lelo umutima wa cipumpu waba ku nga'anda ya malila. ⁵ Cawamapo ukukutika ku kukalipala kwa wamano ukucila ukukutika ku lwimbo lwa fipumbu. ⁶ Pantu ngo kupolauka kwa myunga Isilepya mwisamba lya mwipika, efyaba ne nseko sha fipumbu. Neci naco tacikwete bupiliibulo. ⁷ Ulumaninani lulenga umuntu uwamano ukuba umupumbu kabili ukubosha konaula umutima. Impela ya mulandu yali wama ukucila intendekelo; kabili abantu abatekanya umupashi bali wama ukucila aba cilumba mumupashi. ⁸ Impela ya mulandu yali wama ukucila intejelo; kabili abantu abatekanya umupashi bali wama ukucila aba cilumba mumupashi. ⁹ Mwiba abaanguka ukufulwa mu mupashi wenu, pantu ukufulwa kwikala mu miitima ya fipumbu. ¹⁰ Mwisosa ukuti, ''Ninshi inshiku shakale shawamine ukucila ishi?'' Pantu tepamulandu wa mano muleipushisha ili lipusho. ¹¹ Amano, nge cabupyani, yasuma. bukumu kuli abo abamona kasuba. ¹² Pantu amano yalapela ubucingo ngefyo indalama shinga pela ubucingo, lelo ubusuma bwa bwishibilo nimukuti amano yala pela umweo kuuli one uwa yakwata. ¹³ Tontonkanyeni ificitwa fya kwa Lesa; Ninani winga tambalika ifyo apanga ukuba ifyapondama? ¹⁴ Ilyo inshita shawama, ikaleni abansansa muli ubo busuma, lelo ilyo inshita shabipa, tontonkanyeni ifi; Lesa alisuminisha fyonse uku bako lubali lubali pamulandu wa ici, takuli uukeshiba icili conse icileisa cilemukonka panuma yakwe. ¹⁵ Mubumi bwandi ubwabula ubupilibulo nalimonamo fyonse. kwaliba umuntu umulungami uuleonaika nangu aba umulungami, kabili kwaliba umuntu umubifi uwikala inshiku ishingi nangu aba neficitwa fya bubifi. ¹⁶ Mwilaba abailungamika abamano mumenso yenu. Ninshi mwala yonawils mwebene? ¹⁷ Mwiba ababipisha nangu abapumbu. Ninshi mwinga fwila ilyo inshita yenu tailafika? ¹⁸ Cisuma ukuti mufwile ukusenda aya mano no kuti tamulekeleko ku bulungami. Pantu umntu uutina Lesa akafikilisha fyonse fikabilwa kuli ena. ¹⁹ Amano yalikwata amaka mu muntu wa mano, ukucila ba kateka ikumi mu musumba. ²⁰ Takwaba umulungami pe sonde uucita icisuma kabili uushibembuka. ²¹ Wila kutika ku fyebo fyonse ifisoswa, pantu kuti waumfwa uko umubomfi obe alekutipa. ²² Pantu panshita ishingi, umutima obe walishiba, naiwe walitipapo bambi. ²³ Fyonse ifi nalifishininkisha ukubomfya amano. Natile, ''Nalaba na mano, '' Lelo calicilepo pafyo ningaba. ²⁴ Amano yali apatali kabili yalishika ngashi. Ninani winga winga yasanga? ²⁵ Napilibwile umutima wandi kukusambilila no kubebeta no kufwaya mano bulondoloshi bwa cishinka, Kabili ukwiluka ku bubi bwa bupuba na ubo ubupumbu bushilu. ²⁶ Nalisanga ukuti icakalipa ukucila imfwa mwanakashi uo umutima wakwe waisulamo ifiteyo na masumbu, kabili uyo amaboko yakwe minyololo. Onse uusekesha Lesa akapusuka kuli ena lelo umubembu akekatwa kuli ena. ²⁷ ''Tontonkanyeni ifyo nasanga, ''efya sosa kasambilisha. "Ndalundapo ubwishilo bumo pali bumbi pakuti ningasanga ubuhlondoloshi bwa cine. ²⁸ Ifi efyo ncili ndefwaya, lelo nshila fisanga. Ngalisangileko umuntu umo umulungami pe kana, lelo nshasangilepo umwanakashi pali abo bonse. ²⁹ Nasangafye ifi; Lesa abumbile abantunse abaloloke, lelo ba liya mukufwaya imisango iibi.''