¹ Sunga intampulo shobe ilyo waya mung'anda yakwa Lesa. Kabiye mupepi nokukutika ukucila ukupela ilambo lya fipumbu, ifishiluka ukuti filecita ifyabipa. ² Wiba uwa angufyanya ukusosa nakwa kobe, kabili wileka umutima obe ube uwa angufyanya ukuleta ubwafya ubuli bonse pacinso cakwa Yawe. Lesa aba ku mulu, lelo iwe waba pe sonde eico leka ifyebo fyobe fibe ifinono. ³ Nga naukwa ifintu ifingi ifyakucita ne fyakusakamanapo, uka kwata ifiloto ifibi. Ubwingi, bwa fyebo ulesosa, ebwingi bwa fyabupumbu walasosa. ⁴ Ilyo wapanya umulapo kuli Lesa, wisingasinga ukucicita, pantu Lesa tabekelwa mufipumbu. Cita ifyo walapile ukucita. ⁵ Cawamapo ukukana panga umulapo ukucila ukupanga uo wafilwa ukufikilisha. ⁶ Wisuminisha akanwa kobe ukulenga umubili obe ukubembuka. Wisosa, kuli kabilo wakwa shimapepo ukuti, ''Ulya mulapo walilubene.'' Ninshi wingalengela Lesa ukukalipa pa kulapa ifyabufi, uku sonsomba Lesa ukonaula imilimo ya maboko yobe? ⁷ Pantu ilyo kuli ifiloto ifingi ne fyebo ifingi, fyafye. Lelo tina Lesa! ⁸ Ilyo wamona abapina baletitikishiwa no kupokwa umulinganya mo kusungwa bwino mu citungu cenu, mwipapuka kwati tapali uwishibe, pantu kwaliba abantu abali mu buteko abalolesha pali bena, kabili kwaliba nabali pamulu sana pali bena. ⁹ Mukulundapo ifyabusomboshi bwa calo fya uli one, kabili imfumu iine isenda ifyabusomboshi mu mabala. ¹⁰ Onse uwatemya Silfere tatila yafula, no watemwa ifyuma lyonse alafwailapo na fimbi. Ifi, nafyo, fyafye. ¹¹ Nga ubunonshi bwafula efyo na bantu bakububomfya bakafula. Busuma nshi bwaba mufyuma kumwine kanofye ukulafimba na menso yakwe? ¹² Utulo twa muntu uubomba twalilowa. nangu alye utunono nangu fingi, lelo ifyuma fya muntu umukankala tafimusuminisha ukusendama bwino. ¹³ Kwaliba ububi ubo na mona mwisamba lyakasuba; ifyuma fisungwa no mwine, mwisa mukufuma ubucushi bwakwe umwine. ¹⁴ Ilyo umukankala alufya ifyuma fyakwe pamulandu wakukana kwata ishuko, umwana wakwe umwaume, uo aifyalila, ashala ukwabula nangi cimo mumaboko yakwe. ¹⁵ Ngefyo umuntu esa ukufuma munda muli nina, efyo kabili akaya ukwabula ifyakufwala. Takasendepo nangu cimo pa fisabo fyaku bomba kwakwe mu kuboko kwakwe. ¹⁶ Nabumbi ububi ni ubu ukuti ngefyo umuntu esa, efyo aya nokubwelelamo; Eico bukumu nshi ubwaba pali ena uu bombela umwela? ¹⁷ Munshiku shakwe alya nemfimfi kabili ala lungulushiwa apakalamba no bulwele elyo no bukali. ¹⁸ Lelosha, ifyo na mona ukuba icisuma kabili icalinga ku muntu ukulya no kunwa elo no kusekelamo mu fya kubomba fya kwe ilyo alebomba mwisamba lya kasuba mu nshiku sha ubu bwikasha ubo Lesa apela kuli ena. Pantu uyu emulimo wa muntu. ¹⁹ Onse umuntu uko Lesa apela ubunonshi ne fyuma elo na maka yakupokelela iciputulwa cakwa no kusekelamo mu fya kubomba fyakwe -ici cabupe ukufuma kuli Lesa. ²⁰ Pantu tebukisha ilingi inshiku sha bumi bwakwe, pantu Lesa alamulenga ukulabikilwa ku fintu ifyo asekelela ukucita.