¹ Kabili ibukisha kabumba obe mu nshiku sha bwaice bobe ilyo inshiku ishibi tashilaisa, kabili ilyo imyaka tailafika ilyo ukatila, ² Cita ici ilyo ulubuto lwa kasuba no mweshi ne ntanda talulashima, na makumbi aya fita tayalabwela panuma ya mfula. ³ Ikaba e nshita ilyo ba malonda ba kwisano bakatutuma, na baume aba maka bakakotama na banamayo abapela bakapwa pantu ba cepa nabo aba lolesha mu nsolokoso ba kashibantukila. ⁴ Ikaba e nshita ilyo ifibi fikesalwa mu musebo, ne ciunda ca kupela cikeminina. ⁵ Ilya ikaba enshita ilyo abantu baluka ukuba aba mwenso wa butali na masanso mu nshila kabili icimuti camu amondi nga cabalula elyo na bapalala balaikulaula elyo no kukabila kwabako kwafilwa. Elyo umuntu aya ku nganda yakwe iya muyayaya na ba kulosha balayendauka mu misebo: ⁶ Ibukisha mu mano yobe kabumba obe ilyo umwando wa Silifere taulaputulwa atenwa imbakuli ya golide tailashonwaulwa nangu umutondo taula tobeka pa kanfukwe mfukwe, nangu ilibwelya atapilo lyatobeka. ⁷ Ilyo ulukungu talulabwela kwi loba uko lwafumine no mupashi wabwelela kuli Lesa uwaupele. ⁸ ''Fyafye kabili fyafye! '' Efyasosa kafundisha fyonse fyafye! Kafundisha ali na mano kabili asambilishe abantu ukwishiba. ⁹ Alisoma nokufwa isha nokutantika bwino amapinda ayangi. ¹⁰ Kanfundisha afwaile ukulemba ukubomfya amashiwi ayatumbalala ya cine. ¹¹ Amashiwi ya bantu mano yaba nge ngondo, kabili kwati ni nsunga isha popelwa naba cilolo wa kulonganika ifwapelwa kuli kacema umo. ¹² Mwana wandi ube uwailuka napali fimbiko ukulemba ifitabo ifingi takwa kwata impela, kabili uku somesha nako kuleta fye ukufunshika ku mubili. ¹³ Ukusondwelela kwe lyanshi panuma ya fintu fyonse nakumfwika kwakuti ufwile ukutina Lesa kabili nokubaka amafunde pantu ici emulimo wa muntu onse. ¹⁴ Pantu Lesa akaleta umulimo onse mu kupingulwa pamofye necintu conse icifisama, cibecisama atemwa cibi.