¹ Ifyo balunshi abafwa balenga amafuta yanuke, efyo no kutumpa ukunono kwingalenga ukucimfya amano no bucindami. ² Umutima wa muntu wamano ulola ku mulyo, lelo umuntu wa cipumbu ulola ku kuso. ³ Ilyo icipumbumbu cileenda ukutentemukila mu musebo, kutontonkanya kwa kwe kwaba ukushafikapo, alondolola kuli bonse ati ena cipumbu. ⁴ Nga cakutila kateka akufulilwa, iwe, wisha umulimo obe. Pantu ukufuka kupwisha imembu ishikalamba. ⁵ Kwaliba ifintu ifyabipa ifyo namona mwisamba lya kasuba. ⁶ ifilubo ifyo ifyafuma kuli kateka. ubutungulushi ilyo abaume bafyuma bapelwe ififulo fya panshi. ⁷ Ine nalimwene abasha baleensha ba Rabalwe, elyo abana ba mfumu baleende panshi kwati basha. ⁸ Uyo uwimba icilindi akawila muli cena elyo uyo uutula mu cibumba kuti asumwa ku nsoka. ⁹ Uyo uutoba amabwe kuti acenwa nayena, elyo no muntu uuputula ifimuti akaibika mubusansa kuli fyena. ¹⁰ Nga ca kuti isembe nalifupa, elyo no muntu talinonene, ninshi alingile ukubomfya amaka ayengi, lelo amano yalafwilisha ukuya pantanshi. ¹¹ Insoka nga yasuma ilyo tabalaishilika, lyena ninshi uwaishiba ukushilika ninshi tapali ico enga cita. ¹² Ifyebo fya mukanwa ka muntu uwa mano yasuma, lelo imilomo ya cipumbu ilamupwisha umwine. ¹³ Ilyo ifyebo fyatampa ukufuma ku kanwa kacipumbu, ubupumbu bulafuma, elyo na pa kulekelesha mu kanwa kakwe mupongoloka fye ububi no bushilu. ¹⁴ Icipumbu cilafusha ifyebo, lelo takuba nelyo umo uwishiba icalaisa. Nani uwishiba ico icalaisa panuma yakwe? ¹⁵ Ukubombesha kwa bapumbu kulabasakamika abene, pa kuti tabeshiba bene nenshila ya kuya ku musumba. ¹⁶ Cabulanda kuli iwe, we calo nga cakuti imfumu yobse mulumendo umunono, elyo ne ntungulushi shonse shitendeka ukulya lucelocele! ¹⁷ Lelo walipalwa iwe, we calo, nga cakutila imfumu yobe mwana mwaume wa mano, elyo ne ntungulushi shobe shilya munshita iya linga, pantu amaka, elyo cakolwa! ¹⁸ Pamulandu wa bunagani umutenge ulabola, elyo pamulandu wa maboko aya mulele iyanda ilaloka. ¹⁹ Abantu bapekanya ifyakulya pakuti basekele, umwangashi uleta insansa ku mweo, elyo, ulyo ulupiya elufwakwa pa ku kwata ififyonse. ²⁰ Witipa imfumu nelyo fye ni mu matontonkanyo yobe witipa abantu aba fyuma mu muputule obe fyuma mu uwaku sendamamo. Pantu icuni ca mu mulu kuti ca senda ifyebo fyobe; ico conse ica kwata amapindo kuti casabankanya umulandu.