¹ Ayo e mashiwi ya kwa kafundisha, ulupwa lwakwa Dabidi kabili imfumu mu Yelusalemu, ² ''Fyafye! fyafye! efya landa kafundisha, icishinkafye fyafye! ifintu fyonse fyafye!'' ³ Bushe bunonshishi umuntu anonkelelamo ukufuma kumilimo iyo acucutikamo pesomba lya kasuba? ⁴ Inkulo imo ilaya na imbi inkulo yaisa, lelo isonde lilabelelela umuyayaya. ⁵ Akasuba kalatula, kabili kalawa no kwendesha ukubwelelo ku ncende ukokatulile. ⁶ Umwela upupila ku kapinda ka kukuso no kushungulukila ku kapinda kakulyo lyonse kaleya kaleshunguluka munshila yakuko kabili ukubweluluka. ⁷ Yonse imimana ipongolokela muli bemba, lelo bemba takatale isula, ku ncende uko imimana iya, kulya eko iya nakabili. ⁸ Ifintu fyonse fila tendwisha, kabili takuli uli onse uwinga cilondolola ilinso talisekela pafyo limona nangu ukutwi ukusushiwa pafyo lyumfwa. ⁹ Ifintu fyonse ifyabako e fikabako, ne fintu fyonse ifyacitwa e fikalacitwa. Takwaba icintu icipya pesamba lya kasuba. ¹⁰ Bushe epofili ifili fyonse ifingalalandwapo ati, ''Mona bushe ici cipya? Icintu conse icabako ekocali inshita ishakutali mu myaka iyo yaishile libe tatulababo. ¹¹ Takuli nangu umo uwingebukisha ifintu ifyo fyacitike mu nshita shakale, ne fintu ifyo fyacitike inshita shakonkelepo kabili iyo fikacitika kuntanshi tafya kebukishiwe nakalya.'' ¹² Ninebo kafundisha kabili nali imfumu pali Isreali mu Yelusalemu. ¹³ Nalibikile amano yandi ku kusambilisha no kufwailikisha ukupitila mu mano yacifyalilwa fyonse ifyo fyacitwa panshi ya mumulu. ¹⁴ Uku fwailikisha cisendo icikalamba icakosesha ico Lesa apela abana ba bantu ukuba abaisanshamo. ¹⁵ Nalimona yonse imicitile iyo yacitwa pesamba lya kasuba, no kumona, fyonse fyafye kabili kupepeka umwela. ¹⁶ Nali sosa ku mutima wandi ukulanda ati, ''Mona, ninkwatisha amano yacifyalilwa ayakalamba ukucila bonse abaliko libe nshilabako mu Yelusalemu. ¹⁷ Eico nalibikileko umutima wandi ku kwishiba amano yacifyalilwa no kufulungama elyo no buwelewele. Nalishile mu mukumfwikisha ukuti ici naco cali kwesha ukucema umwela. ¹⁸ Pantu mu kufula kwa mano yacifyalilwa mwaliba ubulanda ubwingi, na uyo ulundako ubwishibilo alunda ubulanda.