1 Nejjata, bajayajebi pamatakabi jebi kujinae Dioso pejume liwaisi Elias jawaberena pata, Akueyabi pa wai beje pe tsewi kujinae, jumaitsitsi: "pona - re, natsitajure Acab jawabelia emarabaja jjanu Itorobiare kaju Irabereka.'' 2 Elias pona pe natsita jutsi nejja Acab jawabelia; bajara jota bitso-janibo samaria jawata. 3 Acab nejjata junata Abdias, pe namatakai torobi palaciobo jota. Abdias yaiyataenu Dioso, 4 tsipaji pa kujinae Jezabel beya ejjana najetaruka Dioso pija profetawi, Abdias pita cien pa profetanubeje pe matayatsi nejja cincuenta (50) ponubeje kanakujitsia Ibowajuta nejjata bajaraponu abata pejjaejawa mera yajawa rajuta. 5 Acab jumaitsi Abdias jawabelia: ''Pona re bajara pa irajawa ne tainejja dajjita mera-matatjaibuanujawa pe najato jawa. Belia wa jjaitsibeje na matajjunajitsi patsi beje pona nejjata asauyabi-ejjana enatsibeje waja cabayonu-beje waja mulabeje nejjata piasau nejja, jumatejema wajanakatoo na penetsiyaniwa dajjita -dajubi monae.'' 6 Nejjata natsikobe tsatabeje Ira pepo naenejja beje bajarajjoya mera pe jaitsi nejja beje. Acab pona pija namutua, Abdias pijinia Itsa namutua pona. 7 Itsa abajju Abdias najetaruka namutojawa, Eliasbeje nejjata nanamatajjunajunuabeje jemata. Abdias nejjata yaputane Eliaskuene, bajarajota nejjata bajaraponu pematabakabuta nukajunua. Bajaraponu nejjata jumaitsi: jjamura tajatujjanenumu Elias?'' 8 Elias nejjata jumekanawiata bajaraponu:'' jjanurabaja. ponare jumaitsimure nijatujjanenu: ' taema, Elias raa majota nukaje. 9 Abdias nejjata jume kanawiata: De pakuenia pa bijia kuene Itsinu, jjamu nerajutsi nejja nija pieninu Acab pe kobeyabe-yabelia, bajaraponu jumatejema nebeyajjuabijitsia? 10 Asau nija tujjanenu Dioso, tsipaji Itsa tomara jawa ata apo kanamatajjunae, taja tujjanenu Acab kajaitsi ejjanae ata. Nejjata Itsa patomara jumaitsi, ajibira majotaje Elias; Acab nejjata Itoroba bajara pamonae jjaniwaetsia petsipaebi nejjatsi, apo pe kanamatajjunae yabara. 11 Abajju bajara pakuenia Itsi ata jjamu ne jumaitsimu: pona-re, tsipaibare nija tujjanenu Elias tsipaji rabaja majota nukaje." 12 Be najjatsiayo ta ponatabi jawata, Dioso pija Espiritu ka kaponaena itsa belia jjanu apo yaputaenu. Ikatsia, Itsaponaju tatsipaebi nejja nejjata itsa tsipaebaju Acab, nejjata Ikatsia Itsa apo kanamatajjunae, ne beyajjuabiana baitsi jane jjanu, nija pieninunu, pe wujuato kujinainu Dioso yaiyataya ponaponaju. 13 ?Apo kayajawa tsipaibi kajena, ta jatujjanenu, jjuajjanu Itsinu pa kuijinai Jezabel to beyajjuaba Dioso pija profetawi, pakuenia matayataju cien (100) pa profeta beje cincuenta punu beje kanakujitsia pija Ibowajuta abatajuyajawa pejjaijawa mera yajawa rajutaju bajarapamonae? 14 Nejjata Ikatsia jjamu jumaitsimu: "Pona-re, tsipaibare nija tujjanenu Elias ma jota nu kaje; jjanu nejjata bajara ponu ta nebeyajjuabi nejja." 15 Nejjata, Elias jume kanawiata: "Asau Dioso piniji bitsauto pejjainainu, ponu pitabu nejewa nukaju, kajena pepo kuene natae ejjanaenaju Acab jawabelia ajena." 16 Nejjata Abdias lia pe nanamatajjunae nejja Acab beje, nejjata tsipaeba jjua Elias jumaitsitsi. Nejjata reinu namatajjunajopalia Elias. 17 Pa kuijinae Acab tane Elias, jumaitsi: "?Jjamu tsabaja? !jjamu, ne kayajatsinu Israel pijiwi!" 18 Elias jume kanawiata: "jjanu raja apo jumatabu kuene bejiobi ejjanainu Israel pijiwi, jjamu rabiji ajja pija monae yajawa pane nakayajatsiwi pane kopabijjae panija tujjanenu pe jume liwaisi panepuna ponae nejja Baal pija idolo un. 19 Aekonojjae nejjata, itorobare liwaisi nejjata kaituare jjanu nejja dajjita Israel pijiwi Carmelo tsuto jawata, yajawa cuatrocientos cincuenta (450) Baal pija profetawi bajara pakuenia cuatrocientos (400) pa profeta beje Asera pija nuanu pamonae jjayabiaba Jezabel pija mesa jawata." 20 Nejjata Acab itoraba liwaisi Israel pija tomara jawabelia nejjata kaituata profetawi Carmelo tsutojawata. 21 Elias imojoyota bajarapabitsauto nejjata jumaitsi: "?De pa matakabibeje bitso pajjamu panajume liwaisi tijjiba najetarubenaename? Itsa bajaraponu Dioso, papunaponare bajaraponu. Nejjata itsa Baal dios un, papunapanare bajara ponu." Nejjata apajume kanawiabitsi liwaisi. 22 Nejjata Elias ikatsia jumaitsi bajara pamonae: "jjanu kainunu, nakopataju Dioso pija profeta kuenianu, beitsijane Baal pija profetanuanu cuatrocientos cincuenta (450) ponubeje. 23 Nejjata nakarajutsiana bajara pamonae najuatorobeje, nejjata bajara panomae itapesiana kainu, nejjata pakajjiukare petupa kuenia, nejjata pajebare isso matatsunuwereka, beitsijane putsa isoto paitajurutame pebujjupanata. Nejjata jjanu jjaniawaitsianaju itsa toro, buatsianaju isso matatsunuwereka, nejjata isoto ata ajibitsane. 24 Ikatsia pajjamu pawajutsianame panija dioso pewunuta, nejjata jjanu ata tajatujjanenu pewunuta wajutsianaju, nejjata ponu jumepitsiana isoto kotiata, nejjata bjaraponu Dioso tsane. "Nejjata dajjita bitsauto jumekanawiatatsi pakuenia jumaitsije: majjuaje jjanepana." 25 Nejjata Elias jumaitsi Baal pija profetawi jawabelia: "Pa itapere kainu toro pajjamuneja nejjata pajjaniuwaire kopiata, tsipajirapjjamu papiniji bitsautomu. Nejjata pawajukare panija dioso pewunuta, putsa baitsijane isoto pabuatame toro pebajjupanata." 26 Bajara pamonae pita toro perajutsinutsi bajanejjata jjaniawaita, nejjata wajuka Baal pewunuta bajaya kunua kujinai ata matoneje jawabelia, jumaitsije: "Baal panejumetaema." Baitsijane ajibi itsajumeyo ata, itsajiwiyo ata pejumepitsinejjatsi ajibi. Belia bajarapamonae jirajirewa penakuenebanatsi altar mujjunenia. 27 Nejjata matoneje epatota, Elias kapokapona bjarapamonae nejjata pakuenia jumaitsije: "!Ayaijumeta pawawajamure! !Bajara ponurabaja dioso! Belia najamatabunanotanukajitsipa, belia majitanukajitsipa nejjata uwajayatijjobinejja." 28 Nejjata bajara pamonae wawajai pinijijumeta, nejjata upamonae nakajjiuka bajara pakueniasaya, bajara pamonae baja penabeibrabikuenia, espadata lanza janebaja, bajara pamonae pejanata upenatsikatsinejja 29 Nejjata matonejebaja panepa najetaruka, bajarapamonae abajju jirajirewa kaniwiyo epato jawabelia sacrificio petojebi hora, itsiata baitsijane ajibi pejume ata ajibi ata itsajiwiyo pejumepitsinejjatsi, ajibinua itsajiwiyo pejumetaenejjatsi pewajukaejawanu. 30 Nejjata, Elias jumaitsi dajiita bitsauto jawabelia: " Paponaremena, pane imojjoyore nejjata dajjitajiwiyobeje imojjoyota bajaraponu. Nejjata bajaraponu pejanakuenia jjaneba Dioso pija altar jjuapikani abeje. 31 Elias nejjata doce (12) pa ibotoyobeje pita, kai ibotoyokanakujitsia pekuenejjaina Israel pijatribu Jacob pejji tsipaji Jacob ponu Dioso barukuikuijaitsi pakueniaje "Newunu rebaja jjamu Israel." 32 Bajara pa ibotonuta bajaraponu altar nakueneba Dioso pewunuta jjuakujinae kua pinijitotojawa altar mujjunenia, ayaijawa jjaniwaitsiakuenia pekaujupaenejja pejju. 33 Nejjata bajaraponu iso jjaneba jjua kujinai, nejjata kajjiuka toro pe epatojji kuenia, jjua kujinae isoto matatsunu wereka buata. Nejjata jumaitsi: "pawunubare cuatro (4) pa kanalitobeje mera, jjua kujinae tsimata epanarebeje ofrenda jjua kujinae isoto." 34 Nejjata jumaitsi: "itsi mure ikatsia," ikatsiabaja. nejjata itsi. Abajju jumaitsi: pa itsi mure akueyabi jjuabeje," nejjata akueyabi jjuabeje itsi. 35 Bajara pakuenia mera kujinaeruka altar mujjunenia, nejjata bajarra pakuenia mera wunuka fotojawa. 36 Pa kuijinae pata pija hora ofrenda perajutsi nejja, profeta Elias jumaitsi pe imojjoyotsi jawata: Jehova; Abraham, pija Dioso, Isaac jane baja bajara pakuenia Israel, nejjata ajena pekuenia tsaneje nenaitajutsi nejja jjamu tsipaji Israel jawata Dioso numu, jjanu jane baja nija jiwitonunu, nejjata jjamu tane itorobi kueniamu majjua itsinuje. 37 Nejume taema, Jehova, nejume taema, pe yaputaeneya. Ma pa bitsautoje tsipaji jjamu, Ayainumu Jehova, Dioso numu, nejjata nejamata bukuene nawiabi ejjanai nejja jjamu jawaberena bajara pamone. 38 Nejjata jopaika Jehova pija isoto kotia, nejjata tajuitaba ofrenda, isotonai, ibojjutonu janebaja pepajuto, nejjaata kajena abaju raeba bajarapamera fotojawa penajetarukaira. 39 Taenubena dajjitabitsauto, pematabakabuta otjopa nejjata jumaitsi: "!Jehova tsaenarabaja Dioso, Jehova tsaenarabaja Dioso!" 40 Nejjata Elias jumaitsi: pataikare Baal pija profetanuanu, itsanu ata pepanepaeyaniwa. Nejjata bajarapamonae taika; nejjata bajarapamonae Elias kapona Cison pija najatojawabelia, nejjata bajarajota beyejebi ejjana. 41 Nejjata Elias jumaitsi Acab jawabelia: "Junaima, jjaima yajawa apaema ; tsipajirabaja jumepitsapa piniji ema penajetarukaejawa . 42 Acab junaya pejjaenejja piapaenejja ata. Nejjata Elias junaya Carmelo tsuto kopiayabetsia, nejjata pematabakabuta irabelia nukajunua, bajara pakuenia pitabara pematabakabujawatabeje naitabararuta. 44 43 Nejjata jumaitsi pewitsatsinu: Junaimina aekonojjae, taimanua manuamene jawabelia . Nejjata bajaraponu junaya, nejjata tane, nejjata jumaitsi: Abiji itsakuenejaba.Nejjata bajaraponutsipaiba ikatsia siete (7) jjuabeje. v 44 Nejjata siete (7) jawata jumaitsi: tanijijjianu tsikiripajuboyo bejiwitonukobejapato, pejunaijawa manuamenejawawetsina. Nejjjata baja ra ponujumaitsi: jumaitsi muretsajopailia Acab jawabelia: jjaniawaire nijacarroneponae nejja baja, ema pekato ayapubeje ejjanaeyaniwa. 45 Nejjata baja, baja ra jjua jawata ponapona, itabojjo nejjata kiriajai itarurubota jowibo yajawa, nejjata piniji ma jjaneta. Acab baja nejjata junaya, Jezreel, jawa berenapona. 46 Baitsijane Jehova pekobe Elias pematatsu nuwereka nakoberuta. Nejjata bajara ponu na ya epasikuta pijapiapia eseto nejjata kujinajina Acab pekuwuwelia Jezreel jawata patijitsia.