¹ Anu ano'o vaikalau Iaue mulai noxou Sepanaia Kusi olu Kusi momu Gedalia momu Amaria momu Esekia, no voxo mine Josia Amon olu , muxolu king noxia ta Iuda. ² '' Eni masi la amamulonu mimii latala uxexe ukalusi no lia'o - vaikala lamana noxou Iaue aloxone . ³ Amamulonei tamitema mo ta mimii ane mi mauli kalumo ; amamulonei ta ngiala no opo loxotolo mo ta sinana no luaki. ⁴ Eni atalosou avolo ulai noxia ta Iuda mo ane'i latala ane mixolu ne Ierusalem. ⁵ Tamitema ane mixolu teitexi no tani sou ilotu ulai noxia ta mimii sou vasivasimolu sou opo loxotolo, ⁶ Eni kalumo axotonei tamitema ane mixiunu tumalia noxou Iaue , mo ane'i ane ilavusou ikamulinu Iaue mo italisou masaxa noxou uasi '' ⁷ Ngataloxo lingenge no laxunu tatila Iaue ! Xo voxo noxou anu alai. ⁸ Anu une'e a'loxo voxo noxou Iaue sou u'elaxu lolovolo noxou. ⁹ No voxo ne eni alosia tamitema ane i'lie sou aitenga navunavu , ¹⁰ Anu uxali aloxone no voxo ane ne - vaikala ano'o ne a'loxo vaikala lamana noxou Iaue. ¹¹ Ngatama,tamitema ane ngexolu no nano no'a taasou ngasovanu mimii, ¹² Anu uxali no voxo a'nene la eni akamuline'i tamitema sie ta Ierusalem sou a'losia lavulavu. ¹³ Lavulutia ne uxali masua mo tamitema ipakalinu, mo tatasia ne uxolu vitanisi xe u'mamulo ukalusi. ¹⁴ Voxo tila noxou Iaue anu a'lai ,a'lai mo anu uxali upalea. ¹⁵ Voxo ne anu voxo sou la'ia , xe voxo sou navunavu mo xovulaulau. ¹⁶ Voxo sou itaunu sipsip komou ( biugel ) sou i'oxonu lolomu. ¹⁷ Xo eni ane'enu navunavu noxia tamitema latala ukalusi, mo ane'i i'muamua i loxo tamitema ie'i selevenu. ¹⁸ Miamia loxo siliva ilou goulu ne umomomo sou u'umenei no'anu mamulo ne uasi.Eni masi la axexene'i tamitema teitexi no'a lialia - vaikala lamana noxou Iaue.