¹ Bazalwalwane bami lena incwadzi yesibili lenginibhalele yona, futsi totimbili tisikhumbuto sekuvusa tingcondvo tenu ² kuze kutsi nikhumbule emavi lakhunyulwa mandvulo baprofethi labangcwele nikhumbule nemiyalo yenkhosi umsindisi lenafundziswa wona baprofethi benu. ³ Kwekucala nje yatini kutsi badukisi batawufika etikhatsini tekugcina.Bataniphukuta bachubeke netinkhanuko tabo. ⁴ Batawutsi kini, ''siphi kantsi lesetsembiso sekubuya kwa Jesu? kusukela bobabemkhulu benu balala, tonkhe tintfo soloku taba njalo kusukela ekucaleni kwendalo.'' ⁵ Batsandza kukhohlwa kutsi kusukelakadzeni ngemavi aNkulunkulu emazulu kanye nemhlaba kwavela emantini, wabasemkhatsini wemanti, ⁶ lawo manti kwaba ngiwo futsi labese kubhujiswa ngawo umhlaba. ⁷ Ngalo lona lelivi leli lase mazulwini nase mhlabeni libekelwe umlilo, libekelwe lusuku lwekwehlulela nekubhujiswa kwebantfu labangasiko ngcwele. ⁸ Akungabalekeli kunaka kwenu, bazalwane, kutsi lilanga linye neNkhosi lifana neminyaka letinkhulungwane, netinkhulungwane temunyaka tifana nelilanga linye. ⁹ Inkhosi ayihambi kancane uma kumayelana netitsembiso tayo, njengobe labanye bacabanga kutsi wenta kancane. Kepha uyabeketela makumayelana nawe. Akakufiseli kutsi ubhubhe, kepha kutsi wonkhe muntfu ente sikhala sekuphendvuka. ¹⁰ Kepha, lilanga leNkhosi liyofika njengelisela: Emazulu ayohlokoma ngemusindvo lomukhulu. Tisekelo tiyawusha emulilweni,kanye nemuhlaba nemisebenti lekuwo iyawundlaleka ebaleni. ¹¹ Njengobe tonkhe letintfo tiyawu bhujiswa ngalendlela, kufanele ube ngumuntfu lonjani? ¹² Kufanele uphile imphilo lengcwele phindze usabe Nkulunkulu. Kufanele ulindze phindze ulangazelele kuta kwelisuku lwa Nkulunkulu. Ngalelo langa, emazulu atawubhujiswa ngemulilo, kanye netisekelo titawuncibilika ekushiseni. ¹³ Kepha ngekwesi tsembiso sakhe silindze lizulu lelisha kanye nemuhlaba lomusha lapho labalungile nayawu hlala khona. ¹⁴ Ngako ke bazalwane, njengobe nigadze leti tintfo, yenta konkhe lokusemandleni kutsi utfolakale ningenabala futsi ningasoleki embikwakhe, ninekuthula. ¹⁵ Lokunye, kucabange kubeketela eNkhosini kuyinsindiso, kanjalo nalotsandzekile wetfu Pawula wabhala kini, abhala ngenhlakanipho leyayiniketwe yena. ¹⁶ Pawula ukhuluma leti tintfo etincwadzini takhe,lapho kulikhuni kuticondza. Labanganaki futsi emadvodza labutsakatsaka bayatihlaneka leti tintfo, njengobe benta kuleminye imibhalo, bentela kubhujiswa kwabo. ¹⁷ Ngako ke bezalwane ngenjobe nati ngaletintfo kucala, tigadzeni kuze ningadukiseki ngeku khohliswa bantfu labete umtsetfo nigcine nilahlekelwa lukholo lwenu. ¹⁸ Kepha khulani emuseni naselwatini lweNkhosi yetfu nemsindisi Jesu Christu. Shengatsi umusa ungaba naye nyalo kute kube yinguna phakade. Ameni!