¹ Simoni Phetro, sigcila nempostoli waJesu Khristu, kulabo labamukela kukholwa lokufana naloko lesakwemukela, kukholwa ekulungeni kwa Nkulunkulu wetfu neMsindisi Jesu Khristu. ² Makutsi umusa nekuthula loku ngetiwe kwadze ekumatini kuloNkulunkulu nakuJesu iNkosi yetfu. ³ Tonke tintfo letiphatiphatselane nemandla langcwele emphilo nebungcwele asanikwetiwe tsine ngelwati lwa Nkulunkulu, lowasibita ngenkatimulo yakhe nekuba nelizinga lelisetulu. ⁴ Kuko konke loku wasiniketa tetsembiso letinkulu naletinhle, nekubalekela kulokubi lokuseveni lokudalwa tikhanuko letimbhi. ⁵ Ngalesizatfu, yentani lokuhle nikungete buhle nasekukholweni kwenu, ⁶ nengete ebuhleni ngetani lwati, elwatini ngetani kutisiba, ekutitsibeni nengete kubabelela, ekubabeleleni ngetani buNkulunkulu, ⁷ ebuNkulunkulwini ngetani kunakekelwana, ekunakekelwananeni ngetani lutsandvo. ⁸ Uma leti tintfo tikini futsi tikhula kini, ngeke nibetinumba noma ningatseli elwatini lweNkosi yetfu Jesu Khristu. ⁹ Kepha loyotfolakala anganato leti tintfo ufanana nemuntfu longaboni emehlweni, nalosakhohliwe nekutsi sewahlatwa etonweni takhe. ¹⁰ Ngakhoke, bazalwane, yentani kubekuhle kubitwa kwenu nekukhetfwa, uma neta leti tintfo, angeke nikhubeke. ¹¹ Ngalendlela niyoniketwa indlela yekungena embusweni waphakadze weNkhosi neMsindzisi Jesu Khristu. ¹² Ngakoke mine ngiyohlale ngilungele kunikhumbuta ngato letintfo, yize nitati,futsi yize nicinile ecinisweni leseninalo. ¹³ Ngicabanga kutsi, kulungile kimi, ngisahleti lapha ethendeni, kunivuselela ngendlela yekunikhumbuta. ¹⁴ Ngoba ngiyati kutsi lami lithende masinyane litawususwa, ngoba Inkhosi yetfu Jesu Christu seyikuvetile loku kimi. ¹⁵ Ngitawetame konkhe lokusemandleni ami kubonelela kutsi uma sengihambile niyawuhlale nitikhumbula leti tintfo. ¹⁶ Ngoba asikalandzeli ngekuhlakanipha tinganekwane letikhona uma satiswa emandlamkanye nekubuya kweNkhosi yetfu Jesu Christu, kepha sibofakazi ngemehlo ngebukhulu bakhe. ¹⁷ Ngoba wamuke laludvumo nenkhatimulololuvela kuNkulunkulu Uyise uma liphimbo lelaletfwa kuye Enkhatimulweni yeNkhosi,latsi, '' Lena yindvodzana yami letsandzekako, lengitfokotako ngayo.'' ¹⁸ Tsine lucobo lwetfu saliva leliphimbo lelehla emazulwini lapho besinaye entsabeni lengcwele ¹⁹ Ngoba tsine sinelivi leliphrofethiwe lentiwa lacaca, kuze kutsi sente kahle kunakisisa nje ngesibane lesikhanyisa endzaweni lemunyama kuze kube sentsatsakusa kanye nenkhanyeti yasekuseni ikhuphuka etinhlitiyweni tenu. ²⁰ Ngetulu kwako konkhe, kufanele sicondze kutsi kute siphrofetho lesivela ekuhlatiyeni kwemuntfu. ²¹ Ngoba kute siphrofetho lesaletswa ngentsandvo yendvodza, kepha emadvodza akhuluma loluvela kuNkulunkulu uma sebangenwe ngumoya longcwele.