¹ Vamuna nana, tulombeni linga lijui lya Muene lishatuke keho li uane vungulu, ngue muye muli kuli yeni, ² Keho ngechiye etu tuovoke kuvantu va ngocho vakevo vaka milonga, muomu voshe vatcelela. ³ Vuno Muene yikeye muka chili, aka mikoletha, na ku minyunga kuli uye muka milonga. ⁴ Netu tuna tcelela muli Kalunga mukonda lyeni, omo yeni mu voshe ngue mue kupanga viye vitue shika keho muku panga vyendi. ⁵ Vuno Kalunga ami nikila vi mbunge vyeni naku chilemo cha Kalunga na mu ku tuvakana cha Yesu Kilistu. ⁶ Ngechi njimishika yeni, vamuna nana, muli dhina lya Muene uetu Yesu Kilistu,thangameni kunkala uoshe vamuna nana nkala uoshe amitemui nina keti kushuana muchithemua chiye mua uana kuliyetu ⁷ Muomu yeni vavenya muna dhivuka ngue omu mo muna pande ku temuinina, muomu ha kati keni ko tua pangele vya ngocho. ⁸ nambe mbolo yaumo ka tua lile ngocho, kuvanga na kufuitangana na ku hona tua pangele vutciki na mutanya, ngechiye keti tuhonethe umo ha kati keni. ⁹ Keti ngue yetu kotua kele na mpoko, vuno tua lipuithile chimuetho kuli yeni linga mutu tutemuinine ¹⁰ Muomu nambe mutua kele neni, echi vene cho tua milekele nguetu, nga umo kayongola kupanga keti alye lalo". ¹¹ Muomu tuovuile vamo ha kati keni vana kala vaka kuenda ngocho, na ku panga kuahi, ¹² vuno vana kala vaka vishaki. vuno ava veku panga omu tuveshika na ku va mamuna muli Muene Yesu Kilistu, ngechiye vapange vipanga na ku holoka, linga valye mbolo yavo vavenya. ¹³ Vuno eni, vamuna nana, keti muhone muku panga mua chili. ¹⁴ Keho nga umo katava kulijui lyetu lya mukanda uno, taleni muntu ouo, ngachiye keti muli kuate nendi, muli kuata nendi linga akale na shuama, ¹⁵ Vuno keti mu muyongole ngue muka chindhindo, vuno muna ngule muna noko. ¹⁶ Linga Muene ua chivovo vavenya ami hane chivovo ntcimbu yoshe. Muene akale neni voshe. ¹⁷ Yange, Paulu, nji mi thonena nalivoko lyange vavenya, chikecho chidhivitho mumikanda yoshe. Ngue munje kuthona. ¹⁸ Kavumbi ka Muene uetu Yesu Kilistu ka kale neni voshe. Amen.