1 Paulu, Silivanus na Timoteo ku chi kungulukilo Tesalonika kuli Kalunga Tata na Muene Yesu Kilistu. Kavumbi na chivovo chikale neni. 2 Ntcimbu yoshe hana kushangala kuli Kalunga muomu yeni voshe ngue mu tu mitumbula kushuama mu ma lombelo etu. 3 Tuthinganyeka kulutue Kalunga na Tata uetu ku vipanga vyendi vya ku tcelela, vipanga vya chidhango na kathingimiko ka ku tcelela muli Muene uetu Yesu Kilistu. 4 Vamunana va chidhango muli Kalunga, tuna dhivuka yendi ua tu thanene, 5 Muomu mudhimbu uetu uedhile kulyeni keti mathona lika, vuno lalo mu ndhili, mu Mpundhi Yakuyela, na vyakama vimuka uana. muye vene, nove lalo dhivuka vantu muka tuakele hakati keni muomu lya chidhango. 6 Yeni muakele na kupanga netu na Muene uye ua tambuile majui amengi mu ku yolela kua Mpundhi Yakuyela . 7 Ngue vi uana mo, ua kele chimuetho kuli voshe vali mu Macendonia na Akaniya uye atcelela. 8 Muomu kuli yeni kutunda lijui lya Muene keti ku Macendoniya na Akaya, vuno ku tcelela kuove muli Kalunga kua tuhukile kuoshe. muye vene keti uka kuanye na vimo. 9 Muomu vakevo vavenya kua mbulula kushuama yetu vika vimo vitua kala navyo hakati keni na vati uka tenguluka kuli Kalunga muva kalunga veka lemetha Kalunga ua chili na muono, 10 keho mu ku tatelelela muli Mona kutunda muilu, uye ya hinduile ku tca_Yesu, uye ua tuovuele yetu kuvu kalu vu kenja.