¹ Vana vange va vandende nji mi thonena vyuma evi linga keti mu pange mulonga. Vuno nga umo ueni mukakutcelela apanga mulonga vulukeni ngueni Yesu Kilistu uye muka kuvyukilila akatulombelako kuli Tata aka tutundithileho milongo yetu. ² Yakeye chikombeleyo muomu lya milonga yetu, vuno lalo muomu lya hathi hoshe. ³ Mukemo tu na dhivuka ngechiye tua mudhivukile, nga tutakametha meshiko endi. ⁴ Umo uye ahandeka nguendi, ''nji dhivuka Kalunga '' vuno ke ku takametha majui alishiko lyendi endi muka vishaki, na vungulu muli yikeye ua himo. ⁵ Vuno uoshe ue ku takametha lijui lyendi, mulyendi vungulu vua chidhango cha Kalunga movuli. Kulyevi tu na dhivuka ngechi tuli mulyendi. ⁶ Nkala uoshe ahandeka nguendi, uakala muli Kalunga na vuahela kuenda lalo ngue muendele yikeye. ⁷ Vaka chidhango change, ku nja mi thonenene lijui lya lishiko lyalihya, vuno lijui lya lishiko lya laya liye lyo mua kele nalyo ha ku livanga. Lishiko lya laya likelyo lijui liye lyomuovuile. ⁸ Ange nji mithonena lishiko lyalihya, liye lya vuchili muli Kilistu na ku li yeni, muomu muthithi uli na ku hita, na mutanya ua vungulu uli na ku tuila cheke. ⁹ Uye umo akahandeka nguendi endi ali mu mutanya adhinde munayina ali mu muthithi na mualolo muali lalo. ¹⁰ Uye ayongola munayina endi ali muvutcili na muli yikeye na chimo chahi chimutanganetha. ¹¹ Vuno umo uye adhinda munayina endi ali mumuthithi nakuenda mumuthithi nakuthivuka kwahi nguendi kwiko aya muomu muthithi unamushoko hamesho. ¹² Njika mithonena kuli yeni, vanike, muomu milonga yeni vana yechela muomu lya lidhina lyendi. ¹³ njina thonena kuli yeni, va yishe , muomu muna dhivuka umo uye ua kele ha kulivanga. Njika thonena kuli yeni, vakuenje, muomu uye muka mulonga muna mu tuvakana. Njina thono kuli yeni, vanike , muomu muna dhivuka Yishe. ¹⁴ Njina thono kuli yeni, va yishe , muomu muna dhivuka umo uye ua li vangele. Njina thono kuli yeni, vakuenje, muomu muli na ndhili, na lijui lya Kalunga lika kala muli yeni, keho uye muka mulonga muka mu tuvakana. ¹⁵ Keti mu yongole vya hathi ndi vyuma viye vili hathi. Nga umo ayongola vya hathi, chidhango cha Tata kocha kele mo mulyendi. ¹⁶ Muomu vyoshe vili hathi - lishungu lya muvila, na lishungu lya mesho, na ku viyongola vya muono - keti vya kuli Tata vuno vya hathi. ¹⁷ Keho hathi ahita na lishungu lyauo. Vuno nkala uoshe ue ku panga chidhango cha Kalunga aka kala myaka yoshe. ¹⁸ Vanike, yino yikeyo nthimbu ya kumanethela. Ngue mu mua vyuvuile ngachiye antekilistu akenja, mualolo va na katuka va antekilistu va vengi va nenja. Kuli evi tuna dhivuka ngachiye yikeyo nthimbu ya kumanethela. ¹⁹ Vakevo va tuhukile muli yetu, vuno kava keleko kuli yetu. Muomu nga va kele vetu nga vanakala netu. Omovayile, vinaleketha nguavo ovo ngechi vetu. ²⁰ Keho uye ua kele umo ua Kuyela, na ku li yeni voshe mua vidhivukile. ²¹ Konja thonene kuli yeni muomu komua dhivukile vuchili, vuno muomu mu vidhivuka, moumu muato vishaki muvuchili. ²² Yiya mukavishaki mpano uye aviana Yesu Kilistu? Muntu uye yikeye antekilistu, uye vene avyana Yishe na Mona. ²³ Naumo uahi avyana Mona ali na Yishe. Nkala umo atava kuli Mona ali na Yishe lalo. ²⁴ Muomu yeni, chiye chomunovu ha kulivanga chi kale mulyeni. Nga chiye cho muovuile ha kulivanga chikale mulyeni, neni lalo mukala muli Mona na muli Yishe. ²⁵ Eli likelyo lyuvuathano lyana tuhana - lya muono kouekuhua. ²⁶ Njina thono vyuma evi kuli yeni vya kuli vaye va yongola ku mi shevuitha. ²⁷ Ngue muomu yeni, ku vuavuetha kuye ku mua tambuile kuli yikeye kuka kala neni, keho kechi uka thetele umo aku longethe. Vuno ngue ku vuavuetha kuendi ku milongetha yeni nkala vyoshe na viye vya vingulu keti vishaki keho ngue muye cha milongethele, vikale muli yeni. ²⁸ Mualolo, vanike, kaleni muli yakeye linga muye muaka yomboloka tuka kale na kulikehatha keti shuama kulutue lya kuinja kuendi. ²⁹ Nga mua dhivukile ngachiye endi uamungulu, muna dhivuka ngachiye nkala umo uye apanga viye vya vingulu nathemuka kuli yikeye.