¹ Iwazo dyeke Mungu nkuhusu Ninawi. Ichitabu cha umawazo yeke Mungu, yeke Nahumu, Mweikoshi. ² Mungu amungu wino ali nu uwivu na akalipila ichilanduzi, Mungu akalipila na wizulu icilakali, Mungu akakipizya ichisasi ku aduwi zyakwe, na akakwendelezya uunyese wake ku aduwi zyakwe. ³ Mungu alina amaka amavule na amupole wa chilakali; kutakawa ni inamna ya ukuleka ukuwa wazizya imilandu iaduwi zyako, Mungu akaomba inzila yakwe kumweya weke akankungwe na amawimbi amakulu, na amawingu ni ivumbi ya amanama yakwe. ⁴ Akaifwenukila ulukuwa na ukulufanya alukala; akakazya imyezi yonsi. Bashani yonda (ukusofu), ni Karmeli ponga; amuwa ya Lebanoni yonda. ⁵ Imyamba ikatetemeka kuuwepo wakwe, na intumbi ukuungusuka; iinsi ukupona inkolelo zyakwe, kabisa, iinsi na wantu wonsi wano wakakwikala mukasi yakwe. ⁶ Aweni angawezya ukwimilila ku ichilakali chakwe? Aweni angawezya ukuzuwia ukalipe wa uunyese wakwe? Ichilakali chakwe chizula chingati umoto, na imyamba waimonyola itofauti tofauti. ⁷ Mungu amuzipe, ikulu pakasi ya amanda ya tabu; nu umukola amuzipe kuli wao wano wakamusamalika. ⁸ Lakini akaomba kunsililo ya iaduwi zyakwe kukwizula nu ukutisha; na akawa vwima kuchanda. ⁹ Awantu wakupaga chani kuli MUngu? Umukola akakomesha; itabu itakinuka ulutiwili. ¹⁰ Ku maana kanga wawavulungika chingati amichongomwa; wakanyeka katika ichakumwa chao awakola; wakonongekewa kabisa kumoto chingati amasinko ya mapelele. ¹¹ Umuntu wenga wimilizile ikati yinu, Ninawi, wino watilipanga uchaku kuli Mungu, umuntu wino aimalisho uwipw. ¹² Vii avino akalanda a Mungu, ''Ngasi wali na amaka yao ichikamilike ni iidadi inkamilike, na vivyonye wakasenywa awantu wawokangawatilipo tena. Ila awewe Yuda: Ingawa nakutesa, ntakakutesa kaili. ¹³ Nomba nkakonyola wila ajoko ukufuma kukwko; nkaiputula iminyololo yako. ¹⁴ Mungu wafumya iamuli papela yako, Ninawi: ''Kutakawa ni ichizazi kaili chino chikanyemula izina dyako. Nkazizuwiya isanamu zino zya chongwa na ukuzifumya isanamu zya ichuma ukufuma kunganda zyeke amiungu yinu. Nkimba amakabuli yinu, ku kudhalauliwa wkinu.'' ¹⁵ Lola, papela ya imyamba kuli amanama ya umuntu wino aleisle ilizwi izipe wino akutangaza iamani! Nonyani isiku kuu zinu, Yuda, na tunzani ipatano linu, kumana umuwipa atakawavwa mia kaili wafumiwa kabisa.