¹ Chindooto cha Obadia. Omokoorho MUNGU arhagha iigho ighoorho ya Eddomu toghuurhr amang'aana koorhu haarhe Omokhoorho, na omutoomu atomiirhu ghaati yekibhaarha, arhaghaamba, mwimeerhe! Tuimeerhe dhidi yaache kwiihe!" ² Ligheerhi, ndabhakhoorha abhasuhu bhekiibhaarha, murhaseerhu bhuukoong'u. ³ Eghesirhani gyenkoorho yaacho ghukung'ainiirhe iiye, iiye oorhe okhoishi ghochimbeheerha cha amagheena, khonyumba yaacho ya iighorho; oono akughaamba ghonkoorho yaacho, Neuye aghunsekheerhi eeni harheense? ⁴ Ubhoone urhaimeerha ighoorho gye tai na ubhoone ekiota gheecho nkirhatoorhu ghati yenchoota, ndaghusekeerh. ⁵ Ubhoone abhaibhi bhaghaacha waacho, ubhoone bhokorhuusi bhaarhe ghoghofata obhootiko (muuna waarhe kwaangu kuule), Bhataarhe khowesa kuuiibha byogwiisa? Ubhoone abhakhoomani bye zabibu bhaarhe ghoghofata, bhataarhe ghootiighe rhigheesa? ⁶ Muuna Esau amaarhe ghuteemu, ne chihazina chaache chabhisiirhu chitoorhu kibhaarha! ⁷ Abhaanto bhaansi bhoobhoomwe bhoocho bharchakoohirha ghoncheerha ya haadi khomubhaaka. Abhaanto bhaano bhaghoote omurheembe haamwe na iiye mbakung'ainiirhe, noghoghutama. Bhaarhe bhakhoorhi omghaate ghoocho mbatoorhe omuteegho harheense yaacho. Obhwerewa bhutaarhe morhense yaache. ⁸ Kanaa! Tinawesiirhe orhosikho rhuuyo, arhaghaamba omokhoorho, khobhaangamiza abhaanto bhaarhe bhaghoote amang'aini khoorhu Edomu no bhorhewa khoorhu khorhukherheghe rho Esau? ⁹ Abhakhaarhe bhaacho bharhafaidi, Temani, ili kiila moonto aangu kuule khoorhu khorhukherheegherho Esau khogwiita. ¹⁰ Ghookhubha yoobhoobhe bhuuno bwakhoorhu nawamoonyu Yakobo, urhakhundekeerhibhu nesookho, naiiye urhaangu khuule milele. ¹¹ Orhosiicho rhoorhe waale wimeriirhe, orhosiicho abhagheeni bhagheeeeghiirhe chimaali chache, na bhaarhe abhagheeni khobheseekho bheeche, noghuteema chekuurha haarhe Yerusalemu, iiye waarhe kama omwe waabho. ¹² Lakini otiighe ghuchomeerhu orhosikho rho bhamonyu, orhosikho rho oghookhu ghooche, wala otiighe ghuchomeerhu ighoorho ya abhanto bha Yuda orhosikho rho oghusarhi khoobho. Motiighe gwikhuumi orhosiko rhwenyaanko yabho. ¹³ Otiighe ghusooha khogekhu kya abanto bhaane orhosikho rho orhookhu rhoobho, otiighe ghuchomerhu ighoorho yeenyanko yaabho orhosikho rho orhookurhoobho, wala motiighe ghutabhuta obwaame bhoobho orhosikho rho oghusarhi khoobho. ¹⁴ Otiighe kwimeerha ghoncheerha eeno eheterhaine, ili kubhaangeerha khuurhe abharhierhi bhaache na otiighe kubharusi bhaarhe bhanyaharhe khii bhaache khorhosiiko rwenyanko. ¹⁵ Ghookhubha orhosiko rho Omokoorho haghuuhe rhooni nechihamate chiinsi. Kehayo wakhoorhe, irhakhoorhu haarhiiye; amatendo ghaacho gharhahonchoka iighoorho ye ekehoorhe gheecho omwene. ¹⁶ Khehaarhe mwanyweele khorhukherheeghe rhoone orhuhorheerhu, nkehooyo echihamate chinsii cheghucha koonyo daima. Bharhaanyo nokhumeerha na irhabha khehaano bhataarhe keemwe. ¹⁷ Lakini khorhukherheghe rho Sayuni khurhabhaho na bhaarhe bhaokokiirhe na bharhaabha abhahorheerhu; ne enyumba ya Yakobo bharhamiliki emiliki yaabho. ¹⁸ Enyumba ya Yakobo irhabha omoorho, ne enyumba ya Yusuph nomwali ghoomoorho, neenyumba ya Esau erhabha amasiyagha amahomu, nabhu bharhabhachuuki, nekubhateketeza, Ghutokubhaho na abhasarheekhu kho nyumba ya Esau, ghokuubha Omokhoorho aghambiirhe. ¹⁹ Bhaansi khoorhu Negebu bharhamiliki orhukerheghe rho Esau na bhaarhe bha Shepela bharhamiliki ekhibhaarha kya Wafilisti. Ebhu bharhamiliki ekhibhaarha kya Efraimu na ekhibhaarha gye Samaria; na Benyamini arhamiliki Gileadi ²⁰ Abhahamiaji bhelijeshi liino rya abhaanto bha Israeli bharhamiliki eense ya kanaani mpaka Sarepta. Abhasamerhi bha Yerusalemu, bhaarhe bhaani Sefaradi, bherhamiliki omoghi gho Negebu. ²¹ Abhatorherhi bharhaghi hadi ighoorho yo orhukherheeghe rho Sayuni ghutawala ekibharha ghebhikherheeghe bhe Esau, na obhukama bhurhaabha bho Omokhoorho.