¹ Bau mwene ibire na yembe mnongero wo jingia katika pulaika kuake na tuyogope na yumo uutukana apange kabonekana atiponea. ² Kwa mwanja ni kweli twenga na yembe tutichimulirwa makowe manogau nyonyonyo kati nabo lakini likowe leryo twaturuyouune yabire yangalifaika kwabe kwa mwanja lyanga banike ri na obereya mkati yabe babayowine. ³ Kwa mwanja twenga twatuoberile twajingia katika puraika koro kati chybile mwa baute kati mwa nirapite kunyongo yangu bajingiari mu upuraiko wangu ata kula mwanja nyo lero lyengo batiyomwa boka kwo bekelwa misingi ya ulimwengu. ⁴ Kwa mwanja atibaya lichoba rya saba pandu furani, ''Nnongo atipomonja richoba lya saba ati reka lyengo lyake lyote.'' ⁵ Ngarapa no baya bajingiali munogau wango.'' ⁶ Bai kwa mwanja nyo likawe reno lihigire panga babire bandu baapara jingia mo na baro baba bakirwe nkowe lya patumbu babaponie jingia kwa mwanja wo chenuka kwabe, ⁷ Abekite kaye richoba fulani karongera katika Daudi, na mwanja ya go muda wambone namna yeno reno kati mwabaite boka patumbu reno mwanaite mpara mioyo yinu.'' ⁸ Kwa mwanja kati Yoshua akampeyanga palaika aperongerali lichoba renge baadaye. ⁹ Bai chaigire laha ya Sabato kwa bandu ba Mnongu. ¹⁰ Kwa mwanja ywembe ywajingire katika raha yake atipomorya mwene boka mu lyengo ryake kati nyaro Nnongo mwapomorile katika lyengo lyake. ¹¹ Bai natupange nia jingiya katika raha yeyero yero panga mundu yeyote kana atomboke kwa mfano wowowa wachenuka. ¹² Na lyembe likowe lya Nnongu libire kari rama kaye rina makakara laye lina ukari bora lyanga wotema kono nakono kaye lyandahama atabagana nafasi na roho na ikombo na mauta liyoyogo lyandatanga mawacha na chochapanga ga moyo. ¹³ Ata mtopo kiumbe cha kibireli wazi mnonge yake lakini irebe yote inautupu na umukirwa pa minyo yake ywembe ywa bire na makowe gake. ¹⁴ Rai mwene ibire tubire nakwe mkorongwa mkoro ywajingire katika kunani Yesu Mwana wa Mnongo, natugakamwi muno mayeketiyo gitu. ¹⁵ Kwa mwanja mtopo mkorongwa mkoro ywangali wecha potwana na twe katika makowe yitu ya utundwe bai ywembe atiparwa saula sawa na twenga katika makowe gote bila panga dhambi. ¹⁶ Bai natukieger kitego cha ngongo kwo konga mara ili tupetelwe ngongo no pata ngongo yakutuyangatiya wakati wo para.