¹ Turawo imbegete mukamwe waawo! nyamukoro kaaja iguru owe-inyumba eya Raatebhugenyi kwo abhaanu bhabhutuye indagano yaaye bharemere ebhiragiriro yaaye. ² Abhandirira, nyamuwanga weeswe, eswe ku-Israeli kikumenyare. ³ Mmbe ori Israeli bharemere amajomu, abhasiko abhemurvubhe. ⁴ Bhateeyo abhakame, mmbe ori tani kwo erende ryaani. Bhakorere abhekuru, mmbe nawe terine nyaika. Kwo giera geebhwe na gidhaabu bhekoreye amasusano geebbhwe, uwe nibheremere arera. ⁵ Ekimori kyaawo kyaremerwe, samaria Risungu ryaani ni nene kubhaanu bhanu. Ku-mwanyekiti abheja okubha na ebhibhibhi? ⁶ Kwo kubha risusano rinu ryasokere Israeli, unu airosishe, atari nyamuwanga! Ekimorikya samaria ekibhutumwe bhibhutu bhibhutu. ⁷ Kwo kubha abhaanu abhayaamba omuyaga mbaya mubhura ekituvi. Gingibho ginu giyambaye gitari na mitwe, gitakusosha bhuga. Bhanu egikomera, abhagenyi abhagirya. ⁸ Esiraeri bheimirire, ori abheogera agati owa mwanyaro rwe kinu kinu kita kumenywa. ⁹ Kwo kubha bhegengere Achuru rwa-insikiri unu ibheeye mwiipori Efraimu anyorere abhwendwe abhaaye omwene. ¹⁰ Nawe anu anyorere abheendwa obhe agati mwakyaro, ori enibhekumanya amuei. Bhone abhaamba okubhura kwo kubha pmukama na abhakuri abhebhenyaacha. ¹¹ Kwo kubha Efraimu bhogesishe ameshengero kwo emigabho alafu ekyo ebhikayo, nawe gabheeye mashengerero kwo kukora ebhikayo. ¹² Naturire okukama ebbhiragiriro bhyaani kweebhwe manga alafu ekumi, mmbe bhekai rorere rwe kinu ekya okurugusha kubheene. ¹³ Kwo kubha ebhimweso bha emigabhogyaani, ebhishosha inyama mbairya, mmbe anya, Raatebhugenyi, nitekubhekirisha. Ori eniganirisha iguru owa mabhibhi geebhwe na okubhabhume ku-bhikayo bheebhwe Abhesubhe Misiri. ¹⁴ Israeli bhendebhiwe anye, unu nabhatewo bhombhakira amanyumba. Yuda arosishe amisi miafu mmbe ori emituma omuriro iguru we emisi gyaeye, enginyamura ingome gyaaye.