¹ Mwitegereshe, abhashengasi! Mbhe na obhuri ganirisha, inyumba ebha Israeli, inyumba eya-Omukama! kwo kubha indamuro eija iguru yee mwe bhone. Mbheye mutego eyo Mizpa na omutego gunu gatuwe iguru ya Tabori. ² Abhabhiibhi abheyambera muro mubhaita abhanu, mmbhe woori ndibheete bhoone. ³ Niwenyere Efraimu, Israeli akyari kuibhisa kwaanye. Efraimu, ori ubheye orwa omsimbe, Israeli ouhunya. ⁴ Ebhikorwe bhwebhwe bhitekwenda kumhebhukira nyamuwanga, kwo kubha obhwiganirisha bhwebhwe obhwa aamega bhubheye mu-mutima gyeewe, bhatukummenya Raatebhugenyi. ⁵ Ekisirani ekya Israeli ekibhereshe, ori Israeli na Efraimu ebhekujura kwo ebhikayo bheebhwe, Yuda bhoone abhagwa amuwi wooni. ⁶ Abhegenda amuwi na ging'ondi geebhwe, ging'ombe geebhwe okumronda Raatebhugenyi mmbe woori bhayekumrora, kwo kubha abhasokerehe kubheene. ⁷ Bhaga bhatiri bhetegereshe ku-raatabhugenyi, kwo kubha bhebhuye abhaana abha bhusimbe. Ori obhwega obhuyaye ebhwo okwesi obhubheeta mmasambu geebhwe. ⁸ Nubhume imbegete eyo libea, na imbagete eyo Rama obhirake obhe kurira obhwe ebhite Beth Aveni ekikuterere Banjamini. ⁹ Efraimu eiyiriwa orusuku orwa indii. Agati ubhukoo bhwa Israeli naikire igane inu iija okurorwa. ¹⁰ Abhatungi bha Yuda ndwa bhara bhanu abhashoshe ringine kurubhibhi. None enisosha risungu rani iguru weebhwe rwa amanji. ¹¹ Efraimu abhekwita, abhakwite kwo-indamuro kwo kubha aribhetire omwene okurubhe risusano. ¹² Woori enibhe rwa-bhibhungi ku-Efraimu rwo-obhuanye mu-nyumba eya Yuda. ¹³ Efraimu ejire arora ubhurwaye bhwaaye, Yuda narora ebhironda bhaaye, Efraimu kagende okuosha ebhironde bhaaye. ¹⁴ Woori enibhe rwa intare eya Efraimu, rwa intare mu-nyumba ya Yuda, Anye noone, anye enibhura nigenda arera, enibhagega, mtakunyoore omunu owokubhasakira. ¹⁵ Enigenda na nisubha owaani, nanubhemenya ebhinayo yeebhwe bhanyegare obhusu bhwani, tari bhanyagate kwo amagana ku-mweko gweebhwe.