¹ Awe Israeli numsubhire Raatebhugenyi nyamuwanga waawo, kwo kubha unguye kwo eshibihibhi bhaewo. ² Mugege amangana amwwi nanye, mumusubhire Raatebhugenyi mumubhwire, shoshe mo emabhibhi goone, uringire amanjomu goone, ne kutyo mwe kyakesoshe emigabho egya emimwa gyeeswe rwa kutyo okwembe ni nging'ombe. ³ Ashuru aterikishakire, kitakurinya ntanyi, ori mtekuuja kuibhwira kweki emirimu egya ambhoko geeswe, Emwe nemwe amasuseno geeswe, kwo kubha awe kwaawe bhanu bhateri na raate anyoore ekigongo. ⁴ Anye enibheoshe okusubhe inyama kweebhwem enibhende kwa emitima gyeebhwe okusurumke, kwo kubha risungu ryaeni ryaamusiga. ⁵ Enibha rwe-ekime ku-israeli, woone nafaka amave rwa inyororo, na emizi gyaage gigenda rwe lebanoni. ⁶ Amasagi gaeye agaranda na obhujomu bhwaaye obhuwe rwa-obhijomu bhwa omujeiituni, na ubhurange bhwaeye rwe kutyo Lebanoni. ⁷ Na bhanu bhekaye ansi awe ibheowo yaaye abhesubhe, bharisiruha rwa immmbibho na amene gari bhure rwo-omujabiibu, obhurage bhwaye bhuribha rwe-obhurange indiivaaye eya lebanoni. ⁸ Efraimu aryaike, Anye ninaki na asusano? Anye netebhwirwe, noone enimuringira. Anye ndwe kutyo mberoshi orwa a,masha amebhisi. Kwaanye anye unyorereho anatwacho gaawo. ⁹ Niga unu abheeye a obhwenge, one naaja okumenya amaangana ganu? niga unu abheeye na obhwiganiriche, woone kaamenya? Kwo kubha injiraeya-Raatebhugenyi ilimire, bhoone abhe kebharo abhegenda ku-njira giiyo, ntani bhaanu bheremere bharigwe mvuli muyo.