¹ Vale va ehaki valafumiwe, ila kuduhu mntu yule alalisamizya, na mntu wa ilagano lya kwaminika vikumingaga hatali, ila eve kuduhu umlu yule amanyile kuva wahaki vikumingaga hatali na uvi. ² Vingilaga mgate na konde vasuhaga mgate na vitanda vyawo vale vakuyumba mgate na ehaki. ³ Ila eve izi aha, enyu vana va valogi, vana vamalaya na umkima yule akwita umalaya. ⁴ Unde yule mkumwitila enkilaga, hagte ya vale vakufungula milomo yawo na ifuma hibala endimu zyawo? Vihe inyu mkavile vana va ileka, vana va ulamba? ⁵ Enyu vale mkuvasha vasava kwilala hakimo hansi ya hamlolu, kila hansi ya umti mvisi, eve yule ukuuwlaga vana vako mgate na embonde gale gakakala, hansi ya migamba yiyo yikunigna. ⁶ Mgate mwa evintu file ini mgate nia ebonde lya mongo ni igambo lilo wapiwa ugatumamile mlimo. Ni evintu vya ebaada yako. Wamwagaga hibala ekinywaji chako kuvavo na ifumya kalumbilaga emazao, mgate ya genaga magambo, Vihe nkowlile kuva na isima na magambo genaga? ⁷ Wandaaga ekitanda chako higulya ya lugulu lurihu hange wayaga hale higulya ifumya kalumbilo. ⁸ Enyumba ya mlango na evizingiti ya milango, na atulaga eishara zyako watulaga ene kufalaga, wilanganga eve musava, na iya kwigulu witaga ekitanda chane kuwa kihanya, witaga ilagano na vavo watogwaga evitanda vyawo mbiwaona esehemu zyawo zya iviso. ⁹ Mbiwaya kumwa Moleki hakimo na emaguta wongezwaga emarashi. Mbi wamtuma ebalozi wako hatali mno; Mbiwaya hansi ekuzimu. ¹⁰ Mbiwazova kulugendo lwako lulihu, ila eve mbiukayombile, ''Yikasuga ematumaini.'' Wagakolaga eimaisha mgate na mkono gwako;Hivyo hange mbiukazovile. ¹¹ Unde yule wamwogoha/ Unde yule mbi wamuhofia ezaidi yule mbiwakwita eve itenda ulamba, kuwingi enamna yiyo kwiyo ukakowola kunizukila ene ninga kuniganika ehusu ene? Nguno mbindi ndisele kwitungo irufu, ukavile kunogoha ene hange. ¹² Kutangazwa ensembo ya ehaki yako na kuvawila kila ekintu chile wakaita, ila eve vakashe vakusaidiye. ¹³ Aho ukuva ukulila hibala, valeke esanamu ezyowazikuminga zikusaidiye eve. Ebaada yakwe umuya ulavipepelushe vyonse, emyuye vilavipeperusha hatali. Ila eve yule akupelela ene alasare isaro na alasole uumiliki mkangate na ngulu yane msondo. ¹⁴ Akuyomba, 'Zyenga, zyenga! Yesafisha enzila! Zinwi evizuizi vyonse mgate na enzila ya vantu vane!'' ¹⁵ Nguno umsava yule kwigulya kule kuwukile, akwikala mgate upanga wa emilele, yule lina lyakwe ni msondo, akuyomba evi, ''Kuishi emahali pa higulya na esehemu pasondo hakimo na umsava kulegukwigwa iliyekeya na mwego zya vale vanyenyekevu na kuyezyukulula emyengo ya vale vakuduka. ¹⁶ Nguno nkasha mbahukumu emilele, ninga nkashe mbe nakisira emilele, hene mwego gwa mntu gulazimie hambele yane, emaisha gale na mwitila. ¹⁷ Kunguno ya ezambi ya emapato ga ekasa kalewe. Mbinapandikwa na kisira, na mbinamuvipya umsava; nauvisa ushu wan, mbindi na kisira, ila eve mbiwasuva kunyuma mgate na enzila zya mwego gwakwe imsava. ¹⁸ Nazionaga enzila zyakwe, ila eve mkumpizya umsava. Nkumtongelela umsava na kumuhani na kumuyangula vale vakumiliki vasava, ¹⁹ na kutengenezwa ekisumo cha milomo, konde konde, kwa vavo vali hatalimno na vale vali mbihi- akuyomba Yahwe nkumpizwa enyu. ²⁰ Ila eve vakenaguzi ni kate ebahari yiyo yachafukaga, yikakowola itulia, na manzi gakwe gatandaga higulya ya ulolo. ²¹ Kuduhu konde kuvakenanguzi akuyomba Seva.''