¹ Yahwe akuyomba ivi, ''Kilihe echeti cha etalaka echo nakupaga etalaka umama yako? Na kunguno mbinamnguzwa ene? Lola, wawaguzwaga kunguno ya ezambi zyako, na kunguno ya ileka kuwako na umama yako wafilagwa hatali. ² Kuki nizaga kunguno kuduhu umntu hale? Kuki nitanaga ila eve kuduhu yule wajibu? Vihe umkono gwane nguli mfupi ifidia eve? Vihe kuduhu enguzu mgate ya upizwa wane kuwako? Lola, isemuzyo lyane, nayikazyaga ebahari; nagwitaga mongo kuva ijangwa; na samaki zyakwe zyafwaga na iwola kukugayiwa manzi. ³ Nalivalikaga giti; na kukukumbila myenda zya magunila.'' ⁴ Mugosha Yahwe wampaga ene elugha kate vate vakuhembikwa ili kuva njombe emihayo ya idumisha ku msava yule wakazova, akutumzya ene mlawo gwa ndiyu ukatunazya natwi gane kate vale vakuhembeka. ⁵ Mugosha Yahwe walugulaga itwi lyane, na walekile kwigwa, ninga isuva kunyuma. ⁶ Navapa mgongo vantu vale vakunguma ene, na itana lyane kavale vakumpuzwa hibala endezu zyane; Nkauvise ushu wane kunguno ya nsembo ya ensoni na itagikwa mate. ⁷ Nguno Mugosha Yahwe akusaidia ene; hivyo hangi nkapandikwe na ensoni; hivyo nauvezyaga ushu wane kate iwe, nguno manyile kuva nkaabyibishwe. ⁸ Umsava yule wangusaga ene ali mbihi. Unde yule akunguma ene? Haho na kwimilile na kwifariji umwi na umwi. Unde yule wamushitakigi? Muleke ize bihi nane. ⁹ Lola, Mugosha Yahwe akusaidia ene. Unde yule akutangazwa kuva ene ndimahatia? Lola, vakuvala hibala kate evazi mlomo gukuvalya vawo higulya. ¹⁰ Unde mgate ni nyu yule akumogoha Yahwe? Unde yule akuheshimu muzwi gumwa Yahwe? Unde yule akuyumba mgate na giti ntimbu ebila kuva na umwanga? ¹¹ Lola, enyu wonse avo mkuvasha, ni unde yule wampaga inywe etochi: Yumbi mgate na umwanga gwa moto gwinyu na mgate na moto gule mwaguvashaga. Lyinili hilyene ilomwalipkela ifuma kuwane ukulala hansi mgate na esehemu ndulu.