¹ Pawula, siboswa saChrestu Jesu, nemzalwane Timothy, iya kuFilimoni, umhlobo wetfu losisebenti kanye natsi, ² nakuAfiya dzadzewetfu, naku Akhiphasi lolisotja kanye natsi, nasebandleni lelihlanganyela endlini yakho. ³ Umusa awube kini nekuthula lokuvela kuBabe neNkosi Jesu Christu. ⁴ Ngihlala ngibonga Nkulunkulu ngasosonkhe sikhatsi nanginibala emithandadzweni yami, ⁵ ngoba ngiva ngekukholwa leninako eNkosini Jesu nelutsandvo leninalo ngabo bonkhe bantfu bakhe labangcwele. ⁶ Ngiyathandaza kutsi kwabiwa kwekukholwa kwenu kuphumelele, kute kutsi nibe nekucondza lokuphelele kwako konkhe lokuhle lesinako kuChrestu. ⁷ Ngobe ngibe nekutfokota lolukhulu kanye nekudvudvuteka ngenca yelutsandvo lwenu, ngobe tinhlitiyo tebantfwana labangcwele baNkulunkulu tivuselelekile ngani, bazalwane. ⁸ Ngako ke, nanoma nginaso sonkhe sibindzi kuChristu sekukutfuma kutsi wente lolofanele kukwenta, ⁹ noko ngenca yelutsandvo, ngiyakuncenga - mine Pawula, likhehla, lenjalo usiboshwa saChristu Jesu. ¹⁰ Ngiyakucela ngenca yemntfwanami Onesimasi, lengimutele ngisetinketaneni. ¹¹ Ngobe wake wangabi nalusito kuwe, kodvwa nyalo sewulusito kimi nawe. ¹² Sengimtfumele emuva kuwe, lowo loyinhlitiyo yami. ¹³ Bengifisa kumgcina lapha kimi khona atewungikhonta entele wena mine ngisesetinketaneni ngenca yelivangeli. ¹⁴ Noko bengingafuni kwenta nome yini ngingakatfoli imvume yakho. Angifunanga kutsi imisebenti yakho lemihle ivele ngekwesidzingo kodvwa kunembeza lovumako. ¹⁵ Mhlawumbe ngenca yaloku wehlukaniswa nawe sikhashane nje., kute kutsi nakunekwenteka abe wakho nini nanini. ¹⁶ Angeke asaba sigcili, kodvwa loncono kunesigcili, ungumzalwane lotsandzekako. Uyatsandzeka ikakhulukati kimi, futsi ke ngetulu kakhulu kuwe, emtimbeni naseNkosini. ¹⁷ Ngako ke nangabe ngingumhlanganyeli kanye nawe, memukele angimi. ¹⁸ Nangabe akonile noma ke akukweleta noma yini, loko kubalele kimi. ¹⁹ Mine, Pawula, ngibhala loku ngesandla sami. Mine lucobo lwami ngitakubuyisela imbadalo - ngingasakubaleli kutsi wena ungikweleta lucobolwakho. ²⁰ Yebo, mzalwane, ngentele bubele eNkosini; vuselela inhlitiyo yami kuChrestu. ²¹ Ngekwetsembela lokukhulu ekuhlonipheni kwakho, ngiyakubhalela. Ngiyati kutsi utawenta nalokungetulu kwesicelo sami. ²² Esikhatsini lesifanako, ngilungisele likamelo letivakashi, ngoba ngetsemba kutsi ngenca yemithandazo yakho ngitawubuyiselwa kuwe. ²³ Epafrasi, siboshwa kanye nami kuChrestu Jesu, uyakubingelela. ²⁴ Kanjalo naMakho, Aristakhasi, Demasi, kanye naLukha, tisebenti kanye nami. ²⁵ Umusa weNkhosi Jesu Christu awube nemoya wakho. Ameni.