¹ Ekuseni kuseluvivi,baphristi labakhulu bahlangana ndzawonye nalabadzala nebabhali kanye nabo bonkhe belibandla leliqoqo lemaJuda. Jesu bamkhunga bamhambisa.Base bamuniketa Philato. ² Philato wamubuta watsi, 'ngabe ungiyo yini inkhosi yemaJuda?'Jesu wamphendvula,'usho kona. ³ Labaphristi labakhulu bambeka emacala ngetintfo letinyenti. ⁴ Philato waphindze wamubuta futsi,''awutiphendvuleli ngani?Uyabona yini kutsi tinganani tintfo labakubekalicala ngato!'' ⁵ Kepha jesu akaphindzanga amphendvule Philato,futsi loko kwammangalisa Philato. ⁶ Ngalesikhatsi salomcimbi,Philato abevamise kubakhululela sinye siboshwa,siboshwa lesasiceliwe, ⁷ lapho bekunendvodza leyayibitwa ngekutsi nguBharaba khona lapho kulelijele lebelinemavukela mbuso labebababulali kulomcimbi. ⁸ Lesicumbi seta kuPhilato samcela kutsi ente loko lakwenta esikhatsini lesengcile. ⁹ Philato wabaphendvula watsi,''niyafuna yini kutsi nginikhululele inkhosi yemajuda?'' ¹⁰ ngobe bekati kutsi loko kungenca yemona kutsi labaphristi bamuniketa jesu kuye. ¹¹ kepha labaphristi baphocelela lesive kutsi sikhale kakhulu khona Bharaba atokhululwa esikhundleni saJesu. ¹² Philato wamphendvua futsi watsi''manje kumele ngentenjani kuleNkhosi yemaJuda?'' ¹³ wamemeta futsi batsi,''mbetsele!'' ¹⁴ Philato watsi,''yini lokubi lakwentile?''kepha bachubeka bamemeta kakhulu,''mbetseleni.'' ¹⁵ Philato bekafuna kujabulisa lesicumbi,ngako ke wakhulula Bharabasi wayakibo.Wase umnikela esicumbini kutsi abetselwe. ¹⁶ Emasotja achuba jesu amungenisa ngekhatsi esigodlweni saPhilatho,ase abita yonkhe imphi yemasotja. ¹⁷ Ase amumbatsi ingubo lebukhwebeletane yebukhosi,base baluka umchele lonemanyeva bamugcokisa wona. ¹⁸ Ase amushayela sihlutfu atsi ''bayethe nkhosi yemajuda!'' ¹⁹ Bebamshaya ngendvuku yemhlanga enhloko baphindze bamkhafulela.Baguca ngemadvolo bamkhotsama. ²⁰ emuva kwekube bamphukute,bamukhumula lengubo lebovu wase ubuisela takhe timbatfo,base bampheketela kutsi ayobetselwa. ²¹ Indvodza latsite,libito layo lelingu Simoni wase Sirene,beyite edolobheni.Bekunguyise wabo Alekzanda naRafasi,bamuphocelela kutsi atfwale siphambano. ²² Lamasotja asondzeta Jesu endzaweni lekutsiwa kuseGoligotha lapho bekutsiwa yindzawo yesikobho. ²³ Bamunika liwayini lelalibhicwe nemure,kepha akanatsanga. ²⁴ Bamubetsela base bagiyelana tembatfo takhe ngekujikelana emadayisi phasi. ²⁵ Bamubetsela ngelihora lesitsatfu. ²⁶ Babhala Satiso selicala lakhe esiphambanweni,''Inkhosi yemajuda.'' ²⁷ Base baphindze bamubetsela netigebengu letibili,lesinye ngesekudla,lesinye ngesencele. ²⁸ 'Jesu abebalwa njengalabebete emadla ekubusa.' ²⁹ Labo lebabetengcela bambukela phasi banikitisa tinhloko tabo batsi, ''Aha!Wena longabhidlita lithempeli uphindze ulakhe ngemalanga lamatsatfu, ³⁰ tivikele wena bese uyehla lapho esiphambanweni! ³¹ Ngendlela lefanako labaPhristi labakhulu nabo bebakhuluma nalomunye,kanye nalabhali,watsi ''uyakhona kuvikela labanye kepha akakhoni kutivikela yena. ³² Khristu,Inkhosi yema isiyareli,yehla nyalo lapho esiphambanweni,khona sitobona phindze sitewukholwa.''Labo bebabetselwe najesu nabo bamujikela. ³³ Ngelihora lesitfupha,kwafika bumyama kwaze kwaba lihora lemfica. ³⁴ Ngelihora lemfica Jesu wakhala ngelivi lelikhulu watsi, ''Eloi,Eloi,lama sabakathane?'' lokwakumelele kutsi, 'Nkulunkulu wami,nkulunkulu,ungishiyelani?'' ³⁵ Labanye labebeme eceleni kwajesu bamuva asho lamagama base batsi,''buka,ubita Elija.'' ³⁶ Munye wabaleka,watsatsa liwayini lelimunyu walifaka esiponjini,walifaka kulomhlanga,wase unmnika kutsi akanatse.Lendvodza yatsi, ''Asesibone kutsi Elija utowehla yini akutsatse.'' ³⁷ Jesu wase ukhala ngelivi lelikhulu wafa. ³⁸ Indvango yelisontfo yadzabuka emkhatsini kusukela ekucaleni kuya ekugcineni. ³⁹ Indvuna yelikhulu lebeyime lapho imbuka nakafa ngalendlela,yavuma yatsi,''ngempela lomuntfu abeyidzodzana yankulunkulu.'' ⁴⁰ khona lapho bekunemabafati labebamele khashanyana.Kulabo bafati bekuna Mariya Magdalene,Mariya (unina waJakobe lomncane waJose kanye naSalome). ⁴¹ Watsi ngesikhatsi ase Galile bamlandzela bamnakekela.Nalabanye labanyenti bafati baya naye eJerusalema. ⁴² Kwatsi ebusuku,ngobe bekulilanga lemalungiselelo,kusengakafiki lilanga lelisabatha, ⁴³ Josefa wase Arimathiya weta khona lapho.Bekalilunga lelihloniphekile lapho bekamele umbuso wankulunkulu.Watsatsa sibindzi waya kuPhilato wafike wacela umtimba waJesu. ⁴⁴ Philate wamangaliswa kutsi Jesu abesavele afile;wabita indvuna yelikhulu wase umbuta kutsi Jesu ufile yini. ⁴⁵ Ngesikhatsi Philato asafundzile kulendvuna yelikhulu kutsi Jesu besekafile,waniketa Josefa lomtimba. ⁴⁶ Josefa abephetse imphahla,wase umfaka ethuneni lalisematjeni.Wase ufuca lelitje uvala indzawo yekungena ethuneni. ⁴⁷ Mariya Magdalene kanye naMariya unina waJose babona lendzawo lapho abe ngcwabwe khona.