¹ Asahamba Jesu aphuma ethemphelini, munye webafundzi bakhe watsi kuye, "Babe, bukankha ematje nanati takhiwo letinhle!''. ² Waphendvula watsi kuye," Uyatibona letakhiwo letinkhulu? Kute ngisho sinye stini lesitosala kulesinye kuyawehliswa konkhe.'' ³ Asahleli entsabeni temcumo abukene nelithempeli, Petro, Jakobe, Jona, na Andrea bambuta ngansense, ⁴ ''Babe sitjele, letintfo titawenteka nini? Kutaba yini tinkhomba nasekutawenteka letintfo? ⁵ Jesu wase ucala utsi kibo, '' Caphelani kube bete umuntfu lokudukisako. ⁶ Banengi labatawufika basebentise ligama lami batsi, ''nginguye'' batanidukisa. ⁷ Naniva ngetimphi nangemahem'hem etimphi, ningakhatsateki; letintfo leto kumele tenteke, kodwva kuphelela kusengakafiki. ⁸ Tive tiwajikelana, imbuso ipambane nalenye imibuso. Kutaba netivunguvungu etindzaweni letinengi,nendlala. Lesi sicalo setinhlungu temuhelo. ⁹ ''Hlalani nigadzile. Batoninika emaqoqo futsi nitoshaywa esynagogue. Nitakuma embikwe babusi nemakhosi, nimele mine njengebufakazi kubo. ¹⁰ Kodwva ke lelivangeli kumele kucalwe litjelwe tonkhe tive. ¹¹ Nabanibopha baninikela, ningakhatsateki ngalenimele nikusho. Ngalelohora, niyotjelwa lenimele nikusho; kutabe kungasakhulumi nine kutabe kukhuluma umoya longcwele. ¹² Telamani titawunikelana ekufeni, nababe nemtfwana. Bantfwana batawmelana nebatali lokutabahholela ekufeni. Nitawuzondwa nguwonkhe wonkhe ngengca yelibito lami. ¹³ Kodwva labo labaciniselako kuze kube kusekucigcineni batawusindiswa. ¹⁴ '' Nanibona sinengiso ngcitsakalo sime lapho kungakameli khona(umfundzi afundze ngekuvakala lokungiko) '' yekelani labo labase Judea baye etintsabeni, ¹⁵ nalabo labasetulu etindlini abangayekelwa behle batsatse lutfo letindlini, ¹⁶ futsi nalabo labasetinsimini bangayekelwa kutsi bajike bayolandza kwekumbatsa. ¹⁷ Maye! kulabakhulelwe nalabamunyisa bantfwana kulawo malanga. ¹⁸ Thandazelani kutsi lesehluko singaniveleli ebusika. ¹⁹ Ngaleso sikhatsi kutabe kuvele bumatima lobukhulu lobungazange sebuze buvele ekucaleni, Nkhulunkhulu nakadala umhlaba, kuze kube ngunyalo, ngeke kuphindze kube khona. ²⁰ Kube Inkhosi ayinciphisanga lawo malanga, ngabe kute losindzisiwe. Kodwva ngenca yalabo labakhetsekile, banconywa Inkhosi yawanciphisa lamalanga. ²¹ Ngako ke, nakungafika umuntfu atsi, ''Buka la nangu Christu noma 'Buka, nanguya! ningabakholwa. ²² Bo christu mbumbulu nebaprophethi mbumbulu batawvela futsi baninike timphamu netimangaliso bentelele kuniyenga, kwabona laba labakhetsekile. ²³ Hlalani nigadzile! nginitjele loku ngesikhatsi. ²⁴ Kodwva emvakwelusizi lwalawo malanga, lilanga litobantima, inyanga angeke ikhanye, ²⁵ tinkhanyeti titakhuwa esibhakabhakeni nemandla asezulwini atawtinyatinywa. ²⁶ Ngulapho indvodzana yasezulwini itawucamuka emafini ngemandla nangenkhatimulo. ²⁷ Utawubese utfumela netingilozi takhe tigcogca labakhetsiwe bakhe kuyo yonkhe imimoya yemine, kusukela ekugcineni kwemhlaba kuya esibhakabhakeni. ²⁸ Fundzani sifundvo esihlahleni semkhiwa. Ngesikhatsi ligala selitsambile likhipha emacembe,uyabona kutsi lihlobo selidvute. ²⁹ Bonani ke, nasenibona letintfo leti setenteka, nivele nibone kutsi sosondzele, sodvute nemasango. ³⁰ Ngicinisele ngitsi, lesitukulwane lesi ngeke sibhubhe kungakenteki loku. ³¹ Lizulu nemhlaba litawendlula, kodwva emagama ami angeke andlule. ³² Kepha lokuphatselane nalelo langa noma lelo hora, kute lowatiko, Ngisho netingilozi letisezulwini, nendvodzana ayati, kwati inkhosi. ³³ ''Caphelani'! Gadzani, ngoba awusati sikhatsi. ³⁴ Kufana nendvodza leneluhambo - ushiya indlu yakhe, ashiye tisebenti kube ngito letiphetse tigadze lendlu, leso nemusebentini waso, aphocelele bacapheli kutsi bangalali. ³⁵ Ngakoke hlalani nigadzile ngoba anati kutsi umnikati welikhaya ubuya nini; kungaba kusentsambama, ebusuku, nakukhala licudze ekuseni noma ngentsatsa kusa. ³⁶ Nakangachamuka noma nini, akangakukhandzi ulele. ³⁷ Lengikusho kuwe, ngikusho kuwonkhe wonkhe: Gadzani!