¹ Lesi sicalo selivangeli ngaJesu Christu, indvodzana yaNkulunkulu. ² Njengoba kubhaliwe ku-Isaya Umprofethi "Buka, ngitfumela umlayeteli wami phambi kwebuso benu, longuye lotanilungisela indlela yenu. ³ Livi laloyo lomemeta kakhulu ehlane, "Lungiselelani indlela yeNkhosi; yentani idlela Yakhe icondze." ⁴ Johane wefika ehlane, afundzisa aphindze abhabhatise ngekuphendvuka nekutsetselelwa kwetono. ⁵ Lonkhe live laseJudiya kanye nebantfu baseJerusalema baya kuye. Wababhabhatisa emfuleni iJordane bavuma tono tabo. ⁶ Johane abegcoka lijazi lelakhiwe ngetinwele telikamela kanye nelibhande lesikhumba ekhalo, abedla sikhonyane kanye luju lwesiganga. ⁷ Wamemetela watsi, "Kukhona lotako emvakwami lonemandla kakhulu kunami; ngisho imichilo yetincabule takhe angikalungeli kutsi ngingaguca phasi ngitichache. ⁸ Nginibhabhatisa ngemanti kepha Utanibhabhatisa ngemoya loyingcwele." ⁹ Kwenteka kutsi Jesu wefika abuya eNazaretha leseGalile, wabhajatiswa nguJohane emfulen i-Jordane. ¹⁰ Nakaphuma emantini Jesu wabona lizulu livuleka moya wehlela kuye njengelituba. ¹¹ Livi laphuma ezulwini, "Uyindvodzana Yami letsandzekako. Ngiyatfokota ngawe.'' ¹² Moya wamphocelela kutsi angene ehlane. ¹³ Ehlane wahlala emalanga langemashumi lamane, alingwa nguSathane. Abenetilwane tasendle, tingelozi timkhonta. ¹⁴ Kutsite lapho asaboshiwe Johane, Jesu weta eGalile amemetela tindzaba letimnandzi taNkulunkulu. ¹⁵ Watsi, ''Sikhatsi sesifeziwe kanye nembuso waNkulunkulu usondzele. Phendvukani niphindze nikholwe livangeli." ¹⁶ Nakahamba eceleni kwelwandle laseGalile, Wabona Simoni ana-Andreya umfokaSimoni ajika linethi elwandle, ngoba bebabadvwebi. ¹⁷ Jesu watsi kubo, "Wotani, ngilandzeleni ngitonenta badvwebi bebantfu." ¹⁸ Masinyane bashiya emanetha bamlandzela. ¹⁹ Jesu abehamba bucalu, wabona James umusa waZebediya kanye naJohane umnakabo; bebasemkhunjini balungisa emanetha. ²⁰ Wababita bashiya yisewabo Zebediya ekhatsi emkhunjini kanye netisebenti lebeticashiwe, bamlandzela. ²¹ Basebefika eKhaphenawume, ngelisabatha, Jesu waya esynagogue wafundzisa. ²² Bamangala imfundziso yakhe, ngoba abefundzisa njengemuntfu lonemagunya, hhayi babhali. ²³ Kuleso sikhatsi esynagogue kwakhala kakhulu indvodza lebeyinemoya lomubi, ²⁴ yatsi, "Senteni ngawe, Jesu waseNazaretha? Sotele kutekusibhubhisa? Ngiyati kutsi ungubani. Ungulongcwele waNkulunkulu!" ²⁵ Jesu walikhalimela lelidimoni watsi, "Thula uphume kuye!" ²⁶ Lomoya lomubi wamjika phasi waphuma kuye akhala ngelivi lelikhulu. ²⁷ Bonkhe labantfu bamangala, babutana bodvwana, "Yini lena? Imfundziso lenemagunya! Uphocelela ngisho nemimoya lemibi imulalele!" ²⁸ Tindzaba ngaye taya kutotonkhe tindzawo taseGalile. ²⁹ Nasebaphumile esynagogue, bangena endlini yaSimoni na-Andreya, kanye naJames naJohane. ³⁰ Nyalo maketala waSimoni abelele agula anemkhuhlane, batjela Jesu ngaye. ³¹ Jesu weta, wambamba ngesandla, wamsukumisa; umkhuhlane wamshiya, wacala wabasebenta. ³² Ntsambama emuva kwekutsi lilanga lishone, baletsa bonkhe labebagula noma lebebanemadimoni. ³³ Lidolobha lonkhe lahlangana kanyekanye emnyango. ³⁴ Waphilisa labanengi labebagula ngetifo letehlukahlukene waphindze wakhipha emadimoni, kodvwa akatange avumele emadimoni kutsi akhulume ngoba abemati. ³⁵ Wavuka ekuseni kakhulu kusesemnyama; wahamba waya endzaweni latawuba Yedvwa khona wathantaza. ³⁶ Simoni nalabo lebebanaye bamfuna. ³⁷ Bamtfola batsi kuye, "Bonkhe bantfu bafuna wena." ³⁸ Watsi, "Asambeni encenye, ngaphandle emadolobheni lasedvute, khona ngitoshumayela nakhona. Kungako ngite langaphandle la." ³⁹ Wahamba ekhatsi neGalile, ashumayela kumasynagogue aphindze akhipha emadimoni. ⁴⁰ Umlepheli weta kuye. Abemuncenga; waguca phasi watsi Kuye, "Uma ufuna, ungangenta ngihlobe." ⁴¹ Aneluvelo, Jesu wakhipha sandla Sakhe wamtsintsa watsi kuye, "Ngiyafuna. Hloba." ⁴² Masinyane bulephelo bamshiya, wahloba. ⁴³ Jesu wamyalisisa wase uyamhambisa. ⁴⁴ Watsi kuye, "Uciniseke kutsi awusho lutfo kunoma ngangubani, kepha hamba utibonakalise kumfundisi, unikele ngekuhlotjiswa kwakho loko Mose lakuphocelela, njengebufakazi kubo." ⁴⁵ Kodvwa wahamba wacala kwandzisa letindzaba kakhulu, kangangekutsi Jesu abengangeni lidolobha ngekukhululeka kodvwa abehlala etindzaweni lebetihlungekile. Kodvwa bantfu bebasolo beta kuye basuka ndzawotonkhe.