¹ EmvakweliSabatha,ekuseni ngeluvivi ngeliSontfo , Mariya waseMagadaleni nalomunye Mariya baya kuyawubona lithuna. ² Kwaba khona kutamatama kwemhlaba lokukhulu ingilosi yeNkosi yehla ezulwini yaligicita lelitje,yase ihlala etikwalo. ³ Lengilosi yayinjengembane, timphahla tayo tatimhlophe njengesitfwatfwa. ⁴ Kepha balindzi befikelwa kwesaba bachachatela baze baba njengalabafile. ⁵ Ingilosi yatsi kulabafati, ''Ningesabi ngiyati kutsi nifuna Jesu lababetselwe esiphambanweni. ⁶ Akekho lapha; uvukile njengobe abeshito ,wotani nitewubona indzawo lapho abelele khona. ⁷ Hambani masinyane niyewutjela bafundzi bakhe nitsi; sewuvukile kulabafile nyalonje sewusembili kunani uya eGalile nitawumbona khona. Nibokukhumbula loku lenginitjela kona.'' ⁸ Base basheshe bayesuka ethuneni ngoba babesaba,kantsi futsi babejabule kakhulu bagijima bayawutjela bafundzi bakhe. ⁹ Jesu wefika kubo watsi; '' Kuthula akube kini'' Beta kuye ,bambamba tinyawo base bakhuleka kuye. ¹⁰ Jesu watsi kubo; '' Ningesabi! Hambani nibikele bomnaketfu kutsi,abahambe baye eGalile,bayawungibona khona. ¹¹ Batsi labafati basahamba bancadzeka,labanye balindzi baya edolobheni babikela baphristi labakhulu ngako konkhe lokwase kwentekile. ¹² Kwatsi baphristi labakhulu netibondza nasebahlangene bakha lisu, banika balindzi imali lenkhulu, ¹³ batsi ''Nibotsi,bafundzi baJesu bafikile ebusuku baseba sidvumbu sakhe tsine situnywe butfongo, ¹⁴ Wasi lombiko nawufika kusibalukhulu,tsine siyawumchazela,eve kahle ningahlupheki nine.'' ¹⁵ Balindzi bayitsatsa lemali, benta njengobe babetjeliwe. kuze kube ngulamuhla emaJuda abambelele kulawo mavi. ¹⁶ Kepha bafundzi labali-11 baya eGalile, entsabeni lapho Jesu abebalayetele kuyo. ¹⁷ Batsi nabambona bamdvumisa noko labanye bebasangabata. ¹⁸ Jesu weta kubo watsi,''Onkhe emagunya nginikiwe ezulwini nasemhlabeni. ¹⁹ Ngako-ke hambani nente tive tonkhe tibe bafundzi bami,nibabhabhatise egameni leYise neleNdvodzana nelaMoya Longcwele, nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi,'' ²⁰ Nibafundzise kugcina konkhe lenginiyale ngako.Bukani, kutsi mine nginani onkhe emalanga,kuze kube ngusekupheleni kwetikhatsi.''