¹ Jesu abephuma ethemphelini; abesahamba ngesikhatsi bafundzi bakhe beta kuye batemkhombisa takhiyo telithempeli. ² Kepha waphendvula watsi, ''Angitsi, niyakubona konkhe loku? nginitjela ngitsi : kute ngisho nalinye litje leliyawusala lihleti etikwalelinye lingakadzilitwa phasi.'' ³ Watsi Jesu asehleti eNtsabeni Yemincumo, bafundzi bakhe bete kuye ngasense, batsi: '''sitjele kutsi letintfo tiyakwentani nini, kuyakwentekani lokuyawukhombisa kutsi sesikhatsi sekubuya kwakho nekutsi sekuphela kwetikhatsi?'' ⁴ Jesu waphendvula watsi: ''Caphela, kutsi kubete umuntfu lonedukisako. ⁵ Ngobe bantfu labanyenti bayawuta ngelibito lami, befike batsi; NginguKhristu,' bedukise labanyenti. ⁶ Niyawuva ngetimphi nangemahemuhemu etimphi,Caphela ningetfuki,ngobe loko kufanele kwenteke,kodvwa umhla wekuphela uyawube ungakefiki. ⁷ Ngobe sive siyawuvukela lesinye sive,nembuso uyawuvukela lomunye umbuso.Kuyawuba khona tindlala nekutamatama kwemhlaba tindzawo ngetindzawo. ⁸ Konkhe loku kukucala kwemihelo. ⁹ Lapho-ke bayawuninikela etinhlungwini banibulale. Tonkhe tive tiyawunitondza ngenca yelibito lami. ¹⁰ Labanyenti bayawuhlubuka batsengisane bodvwana batodzane. ¹¹ Kuyawuvela baprofethi bemanga labanyenti bedukise bantfu labanyenti. ¹² Ngekwadza kwekona kuyawuphola lutsadvo kulabanyenti. ¹³ Kodvwa lowo loyawubambelela kuze kube ngusekupheleni uyawusindziswa. ¹⁴ LeliVangeli ngembuso liyawushunyayelwa emhlabeni wonkhe kuze kube bufakazi etiveni tonkhe bese-ke kuyefika kuphele. ¹⁵ ''Ngako-ke nanibona sinengisoncitsakalo sime endzaweni lengcwele njengoba asho umphrofethi Danyela'' (lofundzako akacaphele inchazelo yaloku) ¹⁶ '''Labo labaseJudiya ababalekele etintsabeni. ¹⁷ Umuntfu losetikwendlu angabe asehla kuyawutsatsa lutfo lolusendlini yakhe, ¹⁸ nalowo losensimini angabuyeli endlini kuyawutsatsa kwekwembatsa. ¹⁹ Kepha maye kulabayuwube batetfwele nakulabayawube batetfwele nakulabayawube bamunyisa ngaleto tikhatsi! ²⁰ Thandazelani kutsi kubaleka kwenu kungabi kusebusika nome ngeliSabatha! ²¹ Ngobe lapho kuyawuba khona kuhlupheka lokukhulu lokungazange sekube khona kusukela seloku kwasekelwa umhlaba futsi akuseyiwuba khona. ²² Kube lawo malanga akafinyetwanga bekuyawubate longasindziswa. kepha ngenca yalabakhetsiwe lawo malanga ayawufinyetwa. ²³ Nome umuntfu asatsi kini, 'Bukani nangu Kristu' nome, ' Nanguya lapho akhona,ningamkholwa! ²⁴ Ngoba kuyawuvela bokhristumbumbulu,nebaphrofethi bemanga bente tibonakaliso letinkhulu netimangaliso kuze kudukiswe nalabakhetsiwe nakunekwenteka. ²⁵ Bukani-ke senginitjele ngaphambili kungakenteki. ²⁶ Ngako ke nabatsi, Buka, usehlane; ungaphum lapha enhlane, noma, Buka, uphakatsi endlini; Ningakholwa. ²⁷ Njengembane umanyata kusuka empumalanga kuya entshonalanga , nendvodzana yemuntfu itofika kanjalo. ²⁸ Noma kuphi lakufe khona silwane, ngula emangce ahlangana khona. ²⁹ Kepha masinyane nje emvakwaleto tinhlupheko, '' lilanga liyawubamnyama, Inyanga ingete yakhanyisa, tinkhanyeti titawukuwa tisuka esibhakabhakeni, nemandla elizulu atawuntengantenga ³⁰ Ngako k tibonakaliso tendvodzana yemuntfu itawubonakala esibhakabhakeni, Tonkhe tive temhlaba tiyawukhala, Tiyawubona kuta kwendvodzana yemuntfu ita ngemafu ivela esibhakabhakeni ngemandla nangenkhatimulo lenkhulu, ³¹ Iyawutfumela tingilosi ngemsindvo lomkhulu welicilongo, tiyawubutsana tiye emagumbini omane emhlabeni, kusukela emkhawulweni welizulu kuya kulomnye. ³² Asenifundze sifundvo ngesihlahla semkhiwa. Ngesikhatsi emagama aso advumba nemacembe ahluma , niyaye nati kutsi lihlobo selidvutane. ³³ Kanjalo ke nani, nanitibona tonkhe letintfo, kufuna nati kutsi sewusondzele, ngasemnyango ³⁴ Ngicinisile, ngitsi kini; Lesitukulwane ngeke sendlule kungakenteki konkhe loku. ³⁵ Lizulu nemhlaba kuyakwendlula kodvwa emavi ami ona ngeke endlule ³⁶ Kepha kute lowatiko kutsi lelolanga nelihola kuyawufika nini, Ngisho netingelosi telizulu, neNdvodzana ayati, kepha nguBabe kuphela ³⁷ Njengase malangeni aNowa , kuyawubanjalo nekufika kwendvodzana yemuntfu. ³⁸ Njengemalanga lebengembili kwazamcolo, bantfu bebadla banatsa, bashadana banikana nemishado kwate kwaba lilanga laNowa angena khona emkhunjini, ³⁹ Abatange bati kwaze kwaba lilanga lakhona zamcolo afika wabatsatsa bonkhe kuyawubanjalo nekufika nendvodzana yemuntfu. ⁴⁰ Ngaleso sikhatsi emadvodza lamabili ayobe asensimini- yinye iyawutsatfwa kutsi lenye ishiywe, ⁴¹ Bafati lababili bayawube basila bese kutsi lomunye uyawutsatfwa lomnye ashiywe. ⁴² Ngako hlalani nigadzile ngobe anilati lisuku inkhosi leyawufika ngako ⁴³ Kepha kwatini loku, kube umniyo wendlu bekasati sikhatsi sekufika kwelisela, abengeke alale, entele kuvimba lisela lingayigcekezi lendlu yakhe. ⁴⁴ Ngako ke hlalani nilungele, ngobe indvodzana yemuntfu iyawufika ningakabheki ⁴⁵ Pho ngubani losisebenti lesitsembekile nalesihlakaniphile inkhosi yaso lesimise phetu kwendlu yayo kute ibanike kudla ngesikhatsi lesifanele? ⁴⁶ Sibusisiwe leso sisebenti inkhosi yaso leyosikhandza senta loko. ⁴⁷ Ngicinisile ngitsi lenkhosi iyawusimisa ngetulu kwako konkhe lenako ⁴⁸ Kepha nangabe sisebenti lesimbi sitsi enhlitiyweni yaso,; Inkhosi yami isalibele; ⁴⁹ Bese sicala kushaya letisebenti lesikanye nato, bese siyadla siyanatsa naletinye tidzakwa, ⁵⁰ Inkhosi yaleso sisebenti iyafiwa ngelilanga singakayibhekinangelihora lesingalati. ⁵¹ Inkhosi yaso iyawusijuba ticucu kanye nebatentisi, lapho kuyawuba nekukhala lokukhulu kanye nekugedletela kwematinyo