¹ Batsi kube basondzele eJerusalema, sebefikile eBhethifage, ngase ntsabeni yemincumo, Jesu watfumela bafundzi bakhe lababili, ² watsi kubo, ''Hambani niye edolobheni lelibhekene nani, nitawukhandza imbongolo iboshiwe inelutfole layo;titfukululeni, nitiletse kimi. ³ Nakukhona lokhuluma lutfo ngato kini, nibotsi: 'Inkhosi iyatidzinga,'loyo muntfu utawuniniketa masinyane.'' ⁴ Loku kwenteka kuze kugcwaliseke lokwashiwo ngumphrofetsi nakatsi: ⁵ Khulumani kuyo iNdvodzakati yaseSiyoni, 'Bukani, inkhosi yenu iyeta kini, itfobekile, igibele embhongolweni, yebo, etfoleni, enkhonyaneni yembhongolo.'' ⁶ Ngako bafundzi bahamba, benta njengobe Jesu abebatjelile. ⁷ Bayiletsa imbhongolo kanye nelitfole layo, bagaca tingubo etikwato, wase uyagibela. ⁸ Sicumbi sebantfu labanyenti sandlala tingubo tabo phansi, labanye bagawula emacembe etihlahleni bawabeka phansi. ⁹ Leticumbi betihamba embikwakhe naleto betimlandzela timemeta, ''Hosana kuyo iNdvodzana kaDavide! Ubusisiwe lotako egameni leNkhosi! Hosana kulelisetulu kakhulu!'' ¹⁰ Kwatsi nakangena Jesu eJerusalema, kwanyakatela lidolobha lonkhe, bantfu babutana batsi, ''ngubani lona?'' ¹¹ Leticumbi saphendvula satsi, ''lona ngu Jesu,umphrofethi waseNazaretha naseGalile.'' ¹² Jesu wangena ethempelini. Wakhipha bonkhe labebatsengisa nalabo bebatsenga ethempelini, waketula ematafula alabebantjintjisa timali, netitulo talabo bebatsengisa ematuba. ¹³ Watsi kubo, ''kubhaliwe, indlu yami itawubitwa ngekutsi indlu yekuthandaza,' kodvwa nine seniyente umgezelo weti gelekece.'' ¹⁴ Kwase kufika timphuphutse netinchute ethempelini, watiphilisa tonkhe. ¹⁵ Baphristi labakhulu netati temtsetfo tatfukutsela tacansuka natibona letimangaliso abetenta Jesu, nebantfwana bamemeta ethempelini batsi, ''Hosana kuyo iNdvodzana yaDavide, ''bacansua kakhulu kunakucala. ¹⁶ Batsi kuye, ''nibavile kutsi batsiteni?'' Jesu watsi kubo, ''yebo! Kodvwa anikaze nafundze kutsi: 'Emlonyeni webantfwana nalaba munyako utilungiselele ludvumo'?'' ¹⁷ Jesu waphuma kulelo dolobha wabashiya, waya ebhetani, lapho wefika walala khona. ¹⁸ Ekuseni nakabuyela edolobhaneni, abesalambile. ¹⁹ Wabona sihlahla semkhiwa emgwacweni, waya kuso akatfolanga lutfo phandle kwemacembe. Watsi kuso, " Kwangatsi kungahlale kungabi nasitselo nini nanini," ngekushesha sihlahla semkhiwana sabuna. ²⁰ Nabafundzi bakubona loko , Bamangala batsi, kwenteke njani kutsi lesihlahla semkhiwana sibune ngekusheshe?" ²¹ Jesu wabaphendvula watsi kubo, " Ngicinisile ngitsi ngitsi kini, Uma ngabe ninekukholwa ningangabati, angeke kwenteke loku lokwenteke kulomkhiwana, kepha ningasho ngisho kunayi intsaba , tsatseka uphoseke elwandle ; kuvele kwenteke njalo. ²² konkhe lenikucelako ngekukhuleka, ngekukholwa, nitokumukeliswa ²³ Kwatsi Jesu nakangena eThempelini, bapristi labakhulu nalabo labadzala beta kuye lekhatsi asafundzisa batsi; uneligwinya lini lokwenta letintfo, ngubani lokunike leligwinya ?" ²⁴ Jesu waphendvula watsi kubo,'' nami ngitonibuta umbuto munye. uma ngabe ningitjela , ngitonitjela kutsi ngitenta ngaliphi ligwinya letintfo ²⁵ kubhabhatiswa kwaJohane kwavelaphi? eZulwini noma kubantfu?Base bakhulumisana bodvwana batsi: sitawutsini? Nasitsi; kuvela eZulwini,utawutsi kitsi: pho,animkholwanga ngani? 26 ²⁶ Kodvwa nasitsi:sicuku siyasesaba, ngobe bonke bavumelana ngekutsi Johane abengumphrofetsi . ²⁷ Base bayamphendvula Jesu batsi asati.Naye-ke wase utsi kubo:Nami-ke ngingeke nginitjele kutsi loku ngikwenta ngamaphi emandla. ²⁸ Kepha yini loyicabangako? Indvodza beyinemadvodzana lamabili. Waya kuyokucala wafika wtasi, Ndvodzana, hamba uyosebenta esivinini; ²⁹ lendvodzana yaphendvula yatsi; angengikwente loko; kodvwa emvakwaloko wase yashintja umcondo yahamba. ³⁰ Yase lendvodza iyakuleyesibili indvodzana yasho intfo lefanako . Waphendvula yatsi, ngitokuya, mhlonishwa; kepha ayibanga isaya khona ³¹ Ngumuphi kulamadvodzana labmabili leyenta intsandvo yababe?'' Batsi ''ngulowekucala.'' Jesu wase utsi kibo, '' Ngicinisile ngitsi kini, Umtselisi kanye nengwadla kuyawungena embusweni welizulu phambikwenu. ³² Njengoba Johane wafika ngendlela lelungile , Kodvwa anikake namkholwa'Kodvwa nine, nome nikubona loko, anikake naphendvula etonweni tenu nakholwa nguye. ³³ Lalelani nangu lomnye umfanekiso. Bekukhona indvodza beyingumikati welipulazi. yase itjala sivini, wasibiyela ngelutsango,wemba umgodzi wekuhlutela emagelebisi etjeni,wakha nendlwana lesetulu yekulindza,kuyasicashisa lesivini.Yena-ke wase uyahamba uya khashane. ³⁴ kwatsi nakufika sikhatsi sekuvuna emagelebisi,watfumela tisebenti takhe kutsi timlandzele incenye yesivuno sakhe. ³⁵ kodvwa leticashi tabamba letisebenti,letinye tatishaya,letinye tatibulala,letinye tatigcoba ngematje. ³⁶ Waphindze watfumela letinye tisebenti letinyenti kunaletakucala, tenta njalo futsi nakuleto tisebenti. ³⁷ Ekugcineni lomnikati wakhuluma watsi,' Baayihlonipha indvodzana yami. ³⁸ ''Leticashi tatsi natiyibona lendvodzana,takhuluma todvwana tatsi,'Lena yidlalifa yakhe.Wotani siyibulale ,khona sitokudla lelifa layo. ³⁹ Tase tiyayibamba, tiyikhiphela ngephandle kwesivini, tayayibulala. ⁴⁰ Wase uyafika lomnikati walesivini,uyawutenta njani leticashi?'' Baphendvula batsi; ⁴¹ ''Uyawutibhubhisa kabi leticashi letimbi,atsatse lesivini sakhe acashise ngaso kuletinye ticashi letiyakumnika titselo ngetikhatsi tato. ⁴² Jesu watsi kubo; ''Anizange nifundze yini emiBhalweni kutsi; 'Litje lelaliwa bakhi,ngobe batsi alinamsebenti,ligucuke laba lekusimisa indlu.Loko kwentiwa yiNkosi futsi kuyamangalisa emehlweni etfu'? ⁴³ Ngako-ke, nginitjela kutsi; Umbuso waNkulunkulu uyawutsatfwa kini unikwe batfu labayawutsela titselo letifanele. ⁴⁴ Wonkhe lowela etikwelitje uyawuhlifika abe ticucu.Kodvwa loyakuwela etikwakhe litje liyakumsila.'' ⁴⁵ Uma Baphristi labakhulu nebaFarisi bayiva lemfanekiso bati kutsi Jesu ukhuluma ngabo. ⁴⁶ Bafuna kumbopha.kodvwa besaba ticumbi tebantfu,ngobe tatitsi ungumprofethi.