¹ Emalanga lasitfupha ngaphambi kwekuba liPhasika,Jesu waya eBethani, lapho bekuna Lazaro khona,loyo Jesu abemvusile ekufeni ² .Ngako ke bamentela kudla kwantsambama khona lapho,naMata abesita,kodvwa Lazaro bekangulomunye lebekalele phansi kwelitafula kanye na Jesu ³ .Mariya watsatsa lilitha lemakha lebe yakhiwe ngentfo leligugu lehlobile yelinadi ,wagcobisa tinyawo taJesu, wabese usula tinyawo takhe ngetinwele takhe.Indlu yagcwala liphunga lemakha. ⁴ Judasikoriyothi, lebengulomunye webafundzi ,angu lebe atawumkhaphela yena, watsi, ⁵ ,''Leni lamakha angatsengiswa ngemakhulu lamatsatfu emadanariya ibese aniketwa labaphuyile? ⁶ 'Washo loko hhayi ngoba bekanakekela labaphuyile kepha kungobe bekasigebenu .Bekanesikhwama semali abese uyeba loko lobe kufakwe lapha kuso. ⁷ Jesu watsi,''mvumeleni kutsi agcine loko lanako ngelilanga lemngcwabo ⁸ .Ngitohlala njalo nalabaphuyile. Ngeke nihlale nami.'' ⁹ Sicuku semaJuda safundza kutsi Jesu bekakhona lapho, beta,hhayi kuphela kuJesu,kodvwa kutobona Lazaro,loyo Jesu lebekamvusile ekufeni. ¹⁰ Tikhulu tebaphristi tenta licebo kanyekanye kutsi bambulale Lazaro ¹¹ ;Ngoba nguye lowente kutsi incumbi yemaJuda ihambe iyokholelwa kuJesu. ¹² Ngelilanga lelilandzelako sicuku saya emkhosini.Nabeva kutsi Jesu beketa eJerusalema ¹³ ,batsatsa emagala elisundvu bahamba bayohlangabeta Jesu bakhala kakhulu batsi,''Hosana! Ubusisiwe lota ngelibito leNkhosi,Inkhosi yaka Israyeli.'' ¹⁴ Jesu watfola imbongolo lencane wahlala etikwayo;njengoba kwakubhaliwe ¹⁵ ,''Ungesabi,ndvodzakati yase Siyoni;bona,iNkhosi iyeta,ihleti ngetulu kwesidonkana''. ¹⁶ Bafundzi bakhe bebangaticondzi tonkhe letintfo ekucaleni; kodvwa nangabe Jesu wakhatimuliswa,bakhumbula letintfo kutsi tibhaliwe ngaye nekutsi batentile letintfo kuye. ¹⁷ Sicuku safakazela kutsi bebakadze banaye ngesikhatsi abita Lazaro kutsi aphume ethuneni wamvusa kulabafile ¹⁸ .Kwakungulesi sizatfu kutsi sicuku sahamba sayohlangana naye,ngoba bebeke bakubona enta imimamgaliso. ¹⁹ Bafarisi batsi khona lakubo,''Buka,kute longakwenta;buka, umhlaba sohambe emuva kwakhe.'' ²⁰ EmaGriki bekasemkhatsini kulabo labekahamba ayodvumisa emcimbini. ²¹ Bahamba baya kuFiliphu,lebekasuka eBethsayida lase Galile, lambuta latsi,''Mnumzane, sifuna kubona Jesu''. ²² Filiphu wahamba watjela Andreya;Andreya wahamba naFiliphu,batjela Jesu. ²³ Jesu wabaphendvula watsi,''Lihora selifikile kutsi indvodzana yemuntfu ikhatimuliswe. ²⁴ Ngicinisile,ngicinisile,ngitsi kuwe,ngaphandle kweluhlavu lakolo luva emhlabeni ibese iyafa, ihlala injalo iyodvwana;kodvwa mayifa ,itotsela titselo letinyenti. ²⁵ Loyo lotsandza imphilo yakhe uyolahlekelwa ngiyo;kodvwa loyo lotondza imphilo yakhe kulomhlaba utophila imphilo yaphakadze. ²⁶ Nangabe lomunye angikhonta,akangilandzele; nalapho ngikhonakhona,nalapho kuyoba tisebenti tami khona.Nangabe lomunye angikhonta,nababe utomhlonipha. ²⁷ Umphefumulo wami ukhatsatekile kufute ngitsini?'Babe,ngisindzise kulelihora''? Kodvwa kulesizatfu ngifikle kulelihora. ²⁸ Babe,malikhatimuliswe libito lakho.''Kwevakala liphimbo livela eZulwini litsi,'' Ngilikhatimulisile ngitophindze ngilikhamulise futsi.' ²⁹ 'Sicuku lebesime eceleni seva kutsi selidvumile. .Labanye batsi,'' Ingelosi ikhulume kuye.'' ³⁰ Jesu waphendvula watsi,''Leliphimbo aliketi kimi,kodvwa lite kini. ³¹ Sesikhatsi sekwehlulela lomhlaba;Umbusi wamlomhlaba utolahlelwa ngaphandle. ³² Nangabe ngiphakanyisiwe emhlabeni,ngitodvonsela wonkhe umuntfu kimi' ³³ 'Wakusho loko kutobonakalisa kutsi utokufa kufa lokunjani. ³⁴ Lesicuku samphendvula satsi,''Sivile emtsetfweni kutsi Kristu utohlala phakadze.Ungakusho kanjani kutsi indvodzana yemuntfu kufanele iphakanyiswe?Ngubani lendvodzana yemuntfu?'' ³⁵ Jesu watsi kubo,''Kukhanya kutoba nani kwesikhashana.Hambani nisenekukhanya,kuze bumnyama bunganendluli.Loyo lohamba ebumnyameni akati kutsi uyaphi . ³⁶ Nisenekukhanya,kholwani ekukhanyeni nitoba ngemadvodzana ekukhanya.'' Jesu watisho letintfo wabese uyahamba uyobabhacela. ³⁷ Njengoba Jesu bekente leminyenti imimangaliso phambi kwabo,kodvwa abakholwanga kuye . ³⁸ Kuze lelivi lemphrophethi Isaya litogcaliseka,lapho atsi khona;''Nkhosi,ngubani lokholelwa umbiko,kubani lokungavetwa umkhono weNkhosi kuye?'' ³⁹ Ngalesizatfu lesi abakukholwanga,njengoba Isaya bekakushito,' ⁴⁰ 'Wabaphumputsekisa emehlo abo wabese ubenta tinhlitinyo tabo tabalukhuni;ngalokunjalo ngabe bayabona ngemehlo abo baphindze bakucondze ngetinhlitiyo tabo,ngigucuke, ngiphindze ngibalaphe'', ⁴¹ Isaya watisho letintfo ngoba wabona inkhatimulo yaJesu ikhuluma naye. ⁴² Kodvwa nome kunjalo,labanyenti baholi bakholelwa kuJesu; kodvwa ngoba baFarisi,abakhonanga kuvumela loko kute bangetewucoshwa esinagogeni. ⁴³ Bayitsandza indvumiso lebe ita kubantfu kakhulu kunaleyo lebeyichamuka kuNkulunkulu. ⁴⁴ Jesu wakhala kakhulu watsi,''Loyo lokholelwa kimi,ukholelwa hhayi kimi kuphela kodvwa aphindze akholelwe kuye lomtfumile. ⁴⁵ Loyo longibonile ubone loyo longitfumile. ⁴⁶ Ngite njengekukhanya emhlabeni,kutokutsi loyo lokholelwa kimi ngeke ahlale ebumnyameni. ⁴⁷ Nangabe niva emavi ami kodvwa ningawagcini,anginehluleli;ngoba angiketi kutowehlulela umhlaba,kodvwa ngitele kutowusindzisa. ⁴⁸ Loyo longalako mine naloyo longawemukeli emavi ami,unaye lamehlulelako.Livi lengilikhulumile litamehlulela ngelilanga lekugcina. ⁴⁹ Ngoba angitikhulumeli ngekwami,kodvwa ngubabe longitfumile,longinike umlayeto ngalengingakusho naleningakukhuluma. ⁵⁰ Ngiyati kutsi umlayeto wakhe wemphilo yaphakadze,njengoba loko lengikushoko kushito ngu Babe akhulume kimi,njengoba ngikhuluma''.