1 Jakobe, inceku yaNkulunkulu neyeNkhosi Jesu khristu, iya etiveni letilishumi nakubili letisakatekile:Ngiyanibingelela! 2 bazalwane bami, nanehlelwa tinhlobonhlobo tetilingo, nibokutsatsa ngekutsi injabulo yodvwa, 3 nati kutsi kuvivinywa kwekukholwa kwenu kuveta kucinisela. 4 Kucinisela kumele kucedzele umsebenti wakho, kuze nivutfwe niphelele ningenasici, ningehlulwa lutfo. 5 Nangabe emkhatsini wen u kukhona loswele kuhlakanipha, akacele kuNkulunkulu, lonika bonkhe bantfu ngekwephanalokungenakufehla, utawuphiwa. 6 7 8 Kepha locelako akacele ngekukholwa, angangabati; ngoba longabatako ufanana neligagasi lelwandle lelichutjwa litanyatanyiswe ngumoya.Ngako loyo muntfu angacabangi kutsi utawutfola lutfo kuNkulunkulu; Ungmuntfu lonetinhlitiyo letimbili, uyagucugucuka etindleleni takhe tonkhe. 9 Umzalwane lohansi akatincome ngekuphakanyiswa kwakhe. 10 Kepha locebile akatincome ngekwehliswa kwahe, ngobe uyawendlula njengembali yesiganga. 11 Lilanga liphuma libalele libunise tjani, imbali yabo iyahhohloka, nebuhle bayo bunyamalale; kanjalo-ke nesicebi siyawunyamalala ekushiphanekeni kwaso. 12 Ubusisiwe umuntfu lociniselako ukulingweni; ngobe nasaphumelele ekuvivinyweni kwakhe, uyawemueliswa umchele wekuhila lowetsentjiswa yiNkhosi kulabo labayitsandzako. 13 Umuntfu lolingwako angabosho kutsi: '''ngilingwa nguNkulunkulu;'' ngobe Nkulunkulu angeke alingwe ngalokubi futsi akalingi muntfu. 14 kepha ngulowo nalowo ulingwa ahuhwe tinkhanuko takhe, adudeke. 15 Nangabe inkhanuko seyitsatsile, itala sono; sono nasesphele sitala kufa. 16 Bazalwane bami labatsandzekako, ningedukiswa. 17 Tonkhe tipho letihle naletiphelele tivela ngetulu, tiphuma kuBabe uMdali wetibane tasesibhakabhakeni, lote kugucuka, njengoba tona tigucuka, tibohle tisshiya ebumnyameni. 18 Ngekwentsandvo yakhe wasitala ngelivi leliciniso, khona sitoba ngematubulo atotonkhe tidalwa takhe. 19 20 21 Bazalwane bami labatsandzekako, khumbulani naku: ngulowo nalowo muntfu akasheshe kuva, ephute kukhuluma, ephute nekutfukutsela; ngoba lulaka lwemuntfu alukwenti kulungalokungukona kwemukelekile kuNkulunkulu. Ngako-ke lahlani yonkhe insila nalokubi lose kukunyenti, nemukele ngekutitfoba livilelihlanyelwe kini, ngobe linemandla ekusindzisa imiphefumulo yenu. 22 Nibe benti belivi, ningabi balaleli kuphela nje, nitikhohlisa. 23 Ngobe nangabe umuntfu ungumlaleli nje angesiye umenti welivi, lowo muntfu ufanana nemuntfu lobuka buso bakhe esibukweni: 24 Umuntfu lonjalo uyatibuka, esuke ahambe akhohlwe kutsi abenjani. 25 Kepha lobukisisa emtsetfweni losikhululako bese uhamba ngawo, angabi ngumlaleli lokhohlwako kepha lolalelako, lowo-ke utowuba ngulobusisiwe ekwenteni kwakhe. 26 Umuntfu locabanga kutsi uyakholwa, abe angalubophi lulwimi lwakhe, uyatikhohlisa enhlitiyweni yakhe, nekukholwa kwalowo muntfu kulite. 27 Kukholwa lokumsulwa lokungenasici embikwaNkulunkulu longubabe ngunaku: kuhambela tintsandzane nebafelokati elusizini lwabo, nekutigcina ungangcoliswa live.