¹ Bazalwane, mangabe munye wenu atfolakale ona, nine lesenikhulile kamoya mubuyiseni ngemoya wesineke. tinakisiseni nani, kute ningangeni ekulingweni. ² Thwalisanani imitfwalo kute nitogcwalisa umtsetfo waChrestu. ³ Mangabe lomunye acabanga kutsi ulutfo abe angasilo, uyatiyenga. ⁴ Ngamunye nibotihlolisisa imisebenti yenu, kute sizatfu sakhe sekuti khukhumeta sitaba kuyeyedvwa hhayi kulomunye umuntfu. ⁵ Ngobe ngamunye nititfwalela imitfwalo yenu. ⁶ Lolofundziswa ngelivi kumele ahlephulele lalamufundzisako. ⁷ Ungayengeki. Nkulunkulu akaphukutwa, nobeyini indvodza leyihlanyelako, utawuvuna kona. ⁸ Loyo lohlanyela imbewu esimilweni sakhe lesibi, kuleso similo sakhe sekona uyawuvuna kubhubha. Loyo lohlanyela imbewu kamoya, kumoya uyawuvuna kuphila lokuphakandze. ⁹ Asinga khatsatekingekwenta lokuhle, ngobe ngesikhatsi lesilungele kuyawu hlanganiswa sivuno, masinga phelelwa mudlandla. ¹⁰ Ngakoke, ngobe sinalo litfuba, Asenteni kahle kubobonkhe bantfu, Likakhulu kulabo lababendlu yekukholwa. ¹¹ Bukani tincwadzi letinkhulu lengini bhalela tona ngetandla tami matfupha. ¹² Labo laba funa kubonakala babahle enyameni batama kuni phocelela kutsi nisoke. ¹³ Bentaloku ngobe bagwema kuhlushwa bahlushelwe siphambano saChrestu. Ngobe nalabo labasokile matfupha abawugcini umutsetfo, kepha bafuna nine nisoke kute batoti khukhumeta ngenyama yenu. ¹⁴ Kepha ngicela kungatikhukhumeti ngephandle kwesiphambano senkhosi Jesu Christu, Lengalo live libetselwe kimi,nami kilo. ¹⁵ Ngobe kusoka akusholutfo kanjalo nekungasoki, kepha lokubalwako sidalwa lesisha. ¹⁶ kubobonkhe laba labaphila ngaletigaba, Kuthula nemusa mawubekibo, ngisho naku israyeli. ¹⁷ Kusukela nyalo akubebete losukela mine, ngobe ngetfwele emutimbeni wami timphawu taJesu. ¹⁸ Umusa weNkhosi Jesu ubenamoya wakho,bomunaketfu. Aman.