¹ Pawula , umphostoli - hhayi umphostoli lovela kubantfu nomake ngekunconywa bantfu, kodvwa ngaJesu Khristu naNkulunkulu uYise, lowamvusa kulabafile - ² nabobonkhe bazalwane labanami, iya ebandleni laseGalathiya: ³ Umusa awube kini nekuthula lokuvela kuNkulunkulu Babe wetfu neNkosi Jesu Chrestu, ⁴ lowatinikela ngenca yetono tetfu kute kutsi nakunekwenteka asikhulule kuletikhatsi leti letibi., ngekwentsandvo yaNkulunkulu naBabe wetfu, ⁵ kuye akube ludvumo phakadze naphakadze. Ameni. ⁶ Ngiyamangala kutsi nigucuka ngekushesha nifulatsela lowo lowanibita ngemusa waKhrestu. Ngiyamangala kutsi nigucukela evangelini lelehlukile, ⁷ hhayi ngobe kunalelinye livangeli, kodvwa kunemadvodza tsite lanibangela kuhlupheka futsi lahlose kugucula lelivangeli laChrestu. ⁸ Kodvwa nangabe tsine nomake ingilosi levela ezulwini ingamemetela kini livangeli lelinye kunaleli lesalimemetela kini, akacalekiswe. ⁹ Njengobe besishito ngaphambilini, ngako nyalo ngiyaphindza ngiyasho futsi, 'Na umuntfutsite amemetela kini livangeli lelehlukile kuleli lenalemukela, akacalekiswe.' ¹⁰ Kambe nyalo mine sengifuna kunconywa bantfu noma Nkulunkulu? Ngifuna kujabulisa bantfu yini? Nangabe ngisetama kujabulisa bantfu, angisiso sisebenti saChristu ¹¹ Ngoba ngifuna nati, bazalwane, kutsi lelivangeli lengalimemetela akusilo livangeli lemuntfu. ¹² Azange ngilitsatse kumuntfu, futsi angilifundziswanga. Kunaloko, kwaba ngesambulo saJesu Christu kimi. ¹³ Senivile ngemphilo yami yangaphambilini ebuJudeni, kutsi ngangilihlupha nganjani libandla laNkulunkulu ngetulu kwekucabanga nanekutsi ngangetama kulibhubhisa. ¹⁴ Ngendlulela ebuJudeni ngengca labanengi kulabo bebayintsanga yami, kubantfu bakitsi. ¹⁵ Kodvwa na Nkulunkulu, lowayengahlukanisile kulabanye kusukela esinyeni samake, futsi langibita ngemusa wakhe, ¹⁶ ajabula kwembula indvodzana yakhe kimi, kute ngitokhona kumshumayela emkhatsini weBetive, angitatatelanga kubuta enyameni nasengatini. ¹⁷ Angikhuphukelanga naseJerusalema kulabo besebabe baphostoli ngaphambi kwami, kunaloko, ngaya e Arabhiya ngase ngibuyela eDamaseko. ¹⁸ Kwase kutsi emva kweminyaka lemitsatfu ngakhuphukela eJerusalema ngayawutihlanganisa naKhefasi ngahlala naye emalanga lalishumi nesihlanu. ¹⁹ Kodvwa azange ngibone namunye kulaba labanye baphostoli ngaphandle kwaJemusi, umnakaboNkosi. ²⁰ Kuloku lenginibhalela kona, ngiyacinisekisa kini phambi kwaNkulunkulu kutsi angicali manga. ²¹ Ngabese ngiya kuletifundza taseSiriya naseSilisiya. ²² Ngangisengakaveli bangibone ngemehlo emabandleni aseJudiya lakuChrestu. ²³ Bebeve nje kushiwo, 'Lendvodza lebeyike yasihlupha nyalo seyimemetela lokukholwa lebeyike yetama kukubhubhisa'. ²⁴ Ngako ke badvumisa Nkulunkulu ngenca yami.