¹ Nyalo mayelana netikhatsi netikhatsi temnyaka, bazalwane, nite sidzingo sekutsi nibhalelwe noma yini kini. ² Ngoba nawe lucobo lwakho wati kahle kutsi lilanga leNkhosi liyeta njenge lisela ebusuku. ³ Uma batsi, ''Kuthula nekuphepha,'' ngekushesha kutawuta kungavani lokungakavami kini. Kuyawufana nebuhlungu bemhelo emfatini lokhulelwe. Kutawuba bete indlela yekuphunyula. ⁴ Kepha nine bazalwane, anikho ebumnyameni khona lelilanga litonendlula njengelisela. ⁵ Ngoba nonkhe nimadvodzana ekukhanya nemadvodzana elilanga. Asisiwo emadvodzana ebusuku noma bumnyama. ⁶ Ngako ke, asingalali njengalabanye benta. Esikhundleni, asihlale sibukile futsi sizitse. ⁷ Ngoba labo labalalako benta njalo ebusuku nalabo labadzakwako benta njalo nasebusuku. ⁸ Kepha tsine asisibemini, kumele sihlale sizitsile sembatse kukholwa futsi sitsandze njengesivikelo selutsandvo esifubeni, futsi nelitsemba lensindziso yempantitje yetfu. ⁹ Ngoba Nkulunkulu akasimiselanga kwehlelwa lulaka, kepha wasimisela kutsi sitfole insindziso ngeNkhosi yetfu Jesu Khristu. ¹⁰ Nguye lowasifela khona noma ngabe sivukile noma silele, singaphila kanye kanye naye. ¹¹ Ngako ke dvudvutanani futsi nakhane, njengoba nenta . ¹² Siyanicela, bazalwane, nibahloniphe labo labaniholako emkhatsini wenu nalabangetulu kwenu eNkhosini nalabaniyala ngemphilo yekukholwa. ¹³ Futsi siyanicela kutsi nibahloniphe ngelutsandvo lolukhulu ngenca yemisebenti yabo. Kuthula akube emkhatsini wenu. ¹⁴ Siyanikhutsata, bazalwane: Cwayisani emavila, khutsatani labalahlekelwe litsemba, sitani lababutsakatsaka, futsi nibe nesineke kubo bonkhe. ¹⁵ Bonani kutsi kebete lophindzisela lokubi ngalokubi kulomunye. Esikhundleni, yetamani kwenta lokulungile kulabanye nakubobonkhe. ¹⁶ Tfokotani sonkhe sikhatsi. ¹⁷ Thandazani ngaphandle kwekucalekisa. ¹⁸ Kuko konkhe nikani tibongo. Ngoba loku kuyintsandvo yaNkulunkulu kuKhristu Jesu ngani. ¹⁹ Ningamcishi Moya. ²⁰ Ningatedzeleli tiphrofetho. ²¹ Hlolani tonkhe tintfo. Bambelelani kulokulungile. ²² Nihlalele khashane nalolonkhe luhlobo lalokubi. ²³ Shangatsi loNkulunkulu wekuthula angakwenta anganigcwelisa ngalokuphelele. Shangatsi moya wakho wonkhe, umphefumulo, nemtimba angabi nasici ngekuta kweNkhosi yetfu Jesu Khristu. ²⁴ Lonibitile utsembekile, loyo lotakwenta. ²⁵ Bazalwane, sikhulekeleni. ²⁶ Bingelela bonkhe bazalwane ngekwanga lokungcwele. ²⁷ Ngiyaniyalisisa ngeligama leNkhosi kutsi nibe nayo lencwadzi kubo bonkhe bazalwane. ²⁸ Umusa weNkhosi yetfu Jesu Khristu abe nani.