¹ Panuma yafifi fintu Paulo alifumine ku Antene ne kuya ku Kolinda . ² Kulya kakumanya umu Yuda weshina lya Akwila , umwina ponto , uwafumine ku , Itali ne mukashi wakwe Pilisila , pakuti kolodyo alikambishe aba Yuda ukufuma mu Loma . Paulo aliile nabo, ³ pakuti balebomba imilimo imo , alikele ne kubomba nabo pamo , pantu imilimo yabo yali ya kupanga amatente. ⁴ Penka Paulo alikwanbala nabo muma sunagoge ama sabata onse , ne kulukutekesha aba Yuda ne ba Ela. ⁵ Lomba ili Saulo na Timoti baishile kuma Kedonya , Paulo alilipeleshe ku mashiwi , ili ali kulondolola kuba Yuda ati Yesu ewali ni Kilishitu. ⁶ Ili aba Yuda bamulengulwile ne kumutuka , Paulo kaba kuntila ikyakufwala kyakwe ne kulabila kuli bo ati , '' Imilimo yenu kaikale pa mitwe yenu mwebene ; nebo ndiswetele kutachika pali ino mpindi na kuya kubena fyalo. ⁷ Kufuma po alifumine ne kuya kun'anda yakwa Tito Jusito , umuntu uwali kupepa ba Lesa . Ne n'anda yakwe yaliapepi ne sunagoge . ⁸ Eli kilispa , uwalukutangilila mu sunagoge , aketekele ba Shikulu pamo ne bamun'anda yakwe bonse; na bengi abena Kolinto abamfwile palififi bali sumine kabili ne kubatishiwa. ⁹ Popele ba Shikulu kabalabila kuli Paulo mu kiloto , mu mpindi ya bushiku ati, '' Witina , lomba labila wiikala kelele. ¹⁰ Pakuti ndinobe , kabili takuli uli no ku kukite kibipile , pantu ndina bantu abengi muli uno mushi.'' ¹¹ Paulo kaikala kulya pamwaka umo ne myenshi isanu na umo , ili alukusambilisha amashiwi amashiwi aba Lesa muli bo. ¹² Ili Galyo abele uwakutangilila mu Akaya aba Yuda bonse kaba mwimina Paulo ne mutima umo ne kumutwala ku kilye; ¹³ Nabo kabalabila ati, '' Uyu muntu alikweba abantu ukulu kupempela Lesa kupusana ne funde.'' ¹⁴ Ili paulo afwaile kulabila, Galyo kalabila kuba Yuda ati , '' Mweba Yuda ngakyakwebati umulandu wali kubifya neli wafibipile , nga kyaliweme ukumyofweni. ¹⁵ Pakuti ifi fipusho palwa mashiwi ne mashiwi ne finde lyenu , fika likeni mwebene . Shilikufwaya po ukuba uwa kupingula iyi milandu.'' ¹⁶ Galyo kabalenga ukubafumya pa kilye. ¹⁷ Penka abantu bonse balimwikete sositene , umukulu wa mwisunagoge ne kumupamina pa kilye . Pakuti Galyo taposeleko amano kufyo ba kitile . ¹⁸ Naye Paulo , ili aikele kulya pa nshiku ishingi , ali shile ababyakwe ne kuya mubwato ukuya ku silya na Pilisila na Akwila . Ili tanga fuma apakunishila ubwato , Kensilea alibeyele mishishi shakwe pakuti efyo balapile. ¹⁹ Ili baishile ku Efeso , Paulo aliba shile ba Pilisila na Akwila kulya , pakuti ye umwine alile mumasunagoge mukwambala naba Yuda . ²⁰ Kabili nabo ili ba mwipushe Paulo ati engekala inshita itali nabo , alikene. ²¹ Napa kufumako kuli bo , alibebele ati , '' Nkabwela libili kuli mwebo kani ba Lesa bakasumina.'' Eli aimine ne lwendo mu bwato ukufuma ku Efesa . ²² Ili Paulo afikile ku kaisaliya alile ne kuba posha aba mwikelesha mu Yelusalemi ne kuya ku Antioke. ²³ Pakuti ili apwileko mpindi kulya , Paulo kafumako ne kuya ku mpanga ya Galasha na filuja ne kuli kuba kosesha abasambile bonse. ²⁴ Umu Yuda umo uweshina lya Polo umwina Alekisandala mukufyalwa alishile ku Efesa . Ali kulabila bwino kabili ne kwishibisha mu ma lembo . ²⁵ Apolosi balimu kambishe pafya ku sambisha fya ba Shikulu . Ali ne mu nkosha Mumupashi alukulabila ne kufundisha palwakwa Yesu , ne kwishiba fye ukubatisha kwa kwa Yoane kwenka. ²⁶ Penka Apolo katacika ukulabila ne mutima usosele mwisunagoge. Pakuti Pilisila na Akwila bali mufwile , eli bamutwele kumbali ne kumulondolwela bwino inshila yaba Lesa. ²⁷ Ili afwile ukuya ku kyalo kya Akaya abana bankashi balimu koseleshe kulemba kuba sambishi mu Akaya mukumu pokelela . Ili afikile sumine munkumbu . ²⁸ Naye Apolo kabakanina makosa aba Yuda ili baliku pachika ili balangisha mufilembelwe ati Yesu e Kilishitu.