¹ Mwekana abakulu, mumupunda mutubilikeni kwaci niba Shikulu. ² Tubilikeni ba mulumendo nga balongo. Abakulu abanakanshi niba nginesu, Aba nakanshi abaninke nikanshi, mukusunta. ³ Peleni mukinshi bamukakifwile, benka ba mukafwilwa. ⁴ Lomba ngabali nabana nangu abeshikulu, lekeni ukutanga kube ubusambishi ukubo neka umukishi pañanda shabo. Lekeni bapane kubafyashi babo. Pakuci afilukusekesha baShikulu. ⁵ Lomba nga umwine kitunshi ninani. U - washala eka, Aliketekele muli baShikulu nokutalilila ukulomba nekitembela ubushiku na kasuba. ⁶ Penka, umwanakanshi u-wikala musangalashi alifwile kakili umumi. ⁷ Ikila kalafwitikisha, ifi fintu na pano. Ukwebati bengaba ukwakubula akakowensha. ⁸ Lomba nga umo tapela aba muñanda yakwe abalongo nangu abamuñanda yakwe. Akana ulwitabilo kabili ali kwaci muntu uyu tasumine. ⁹ Lekeni umwanakanshi abe mushila ya ba ikitunshi uyu tali umwanike ukukila pamyaka makumi yasanu, umwanakanshi wamulume umo. ¹⁰ Lyonse alakinta ifiweme, nangu engakinta ukulama abana, nangu kuponkelela abeni, nangu kusafya amakasa yaba Shikulu abantu abaswetele, nangu ali nemikinto ya kulikefya, alisolola umwine pamikinto iyakuwama. ¹¹ Sombi ifitushi abanyike, kabakana kubabika pampendwa. Nangu kabasumina kubuyo bwa kumubili ifakanishiwa na Shikulu, bakofwaya ukupa. ¹² Muli iyi nshila bashatishiwa pakuci balikene umukambisho mutashi. ¹³ Papindi imo lukoso balismbishiwe ukuba abafila balaya nokushinguluka iñanda pa ñanda. Tabekala lukoso abafila, lomba balalabila ifyakubula kalango nemibili yokupyunga lonse, nokulabila ifintu ifitabenga labila. ¹⁴ Penka ndukufwaya abanyike abanakanshi ukupwa. Nokufyala abana, nokulama abamu ñanda shabo. Nokubulokupela impindi kubalwani ukusebana kuli fwebo. ¹⁵ Pakuci bamo kale ba-alukile kubali panuma yakwa satana. ¹⁶ Anga umusumine ali namukafwilwa, Lekeni amukwashe, pakuci mwitepuli takikaba ikipinto, pakwebaci bakwashe bamukafwilwa. ¹⁷ Lekeni intangishi batangilile bwino nokulinganya ukulema kwakubikapo umukishi, mukine kuli babo abapyungila mukyebo ali namumasambishi. ¹⁸ Pakuci amashiwi yabaShikulu, yalukulabila ati,'' mukaka ikoli pañombe ili ilukulya Amataba'' kabali'' Nokupwinga ukulema kana kali amamboni.'' ¹⁹ Mwelengu imilandu kubakulu kana kakulimboni nshibili nanshi tantu. ²⁰ Kwasheni ibifi ili bonse abashala bengabulu ukupatwa. ²¹ Nduku tulisha nokubakumbisheni tatunga baShikulu naba Yesu Kilishikulu nekalambashi kwiulu, ukulama amakambisho ukukubula ukufyabanya, nokubula kukita akapatulula. ²² Mwebikapo amaboko nangu nipali umo. Mulikulibika pakibipile mwebene nabene mulisunge kamuswetele. ²³ Mwelikunwa amenda mumupunda, munwe tu mwanganshi tunini mumala enu-nokulwala kwenu. ²⁴ Ubumbi bwa bantu bamo buleshibanikwa apasweyele. Balaya nabo mubupingushi. Lomba ukubifya kwabo kulabakonka. ²⁵ Mushila imo lukoso ukupyunga ukuweme kuleshibanikwa, lomba nangu nibambi takuli babule ukwisambanikwa.