¹ Lomba koti umwilile mpindi ne myaka, mwebakwasu, tamuli kufwaikwapo ati kyonse kingalembewa kuli mwebo. ² Pakuti mwebo mwebene mwaishibisha bwino ati ubushiku bwa ba Shikulu buli kwisa koti muñgo ubushiko. ³ Ili bali kulabila, ''umutende ne bume,'' penkapo lukoso ne konaika kukesa palipo. Kikaba koti kusomena kwa kufyala mwipafu lya kwa mwanakanshi. Takwakabepo nekwa ku fyukila. ⁴ Lomba, mwebakwasu, abatabali mu mfinshi ukwebati akasuba kakamipitaile koti muñgo. ⁵ Pakuti bonse muli bana ba kyeya kabili abana ba kasuba. Takulipo bana ba bushiku neli ba kumfinshi. ⁶ Fyopele fyo, fwebo twelukulala koti fibakita bano. Lomba, fwebo tulukukenkenta nekuba abakengele. ⁷ Kuli babo abalaala balakite fyo ubushiku, nababo aba pendwa balakite fyo ubushiku. ⁸ Pakuchi fwebo tuli bakukasuba, tulielelwa ukwikala abakengele ne kubika ukuketekela ne kutemwa koti kyela kya pa nkibi, ne kuketekela ukupuluka kwa kya kufisamo umutwi. ⁹ Pakuti ba Lesa taba tusalilepo fwebo ukukyula, Lomba upoka ukupusuka ukupitila muli ba Shikulu Yesa Kilishitu. ¹⁰ Ni pakuti uyo uwatufwilile fwebo ukwebati, nangaba tulilele nangaba tuli kukekenta, twengali kwikala bonse nabo. ¹¹ Fyenkefyo kamulitekenesha umo ne mukwabo nekuli baka umo ne mubiye peulu, koti ni fyenka mulukukita kale. ¹² Fwebo mukutemweshatulu kulabila kuli mwe, bakwasu, ukuli kubeshiba abo abali kubomba na mwebo nanabo abamikilileni mwebo muli ba Shikulu nabali kumikambisheni mwebo. ¹³ Tuli kumipusha mwebo ukuba kombetelabo ukwahuchi mutemwa pakuti pa milimo yabo. Mube ne mutende mukachi kenu mwebene. ¹⁴ Tuli kumilemyeni mwebo, abakwasu: kengengesheni aba abafila, koselesheni abo abanake, ofweni abakatele, ne kuba abatekenye pali fyonse. ¹⁵ Boneni ukwebati tapalipo uwakushinkanya ne mubyakwe. Lomba, ukulikwasha mufiweme pali umo ne mubiyo na pali bonse. ¹⁶ Sekeleleni mpindi yonse Tembeleni ukwakubulo ukukikeka. ¹⁷ Muli fyonse ka mupelo ukutota. ¹⁸ Pakuti uku ekufwaya kwa ba Lesa muli ba Kilishitu Yesu benu. ^{20 21} Tekwesho ukushimyo mupashi. ¹⁹ Tekusulo aba kushimika. Esekeni ifintu fyonse. Koseleni mufiweme. ²² Fumyeni kuli fyonse ifya musango wa ku bifya. ²³ Ba Lesa ba mutnde benga mitubishisha ukwakuti. Lekeni umupashi wenu wonse, umweo, ne mubili fibe ifyakubla akalema pakwisa kwaba Shikulu Yesu Kilishitu. ²⁴ Ukuketekela ni uyo umita mwebo, uyo umo uwakukita fifyo naye. ²⁵ Mweba kwasu, kumutu tembelelako fwe. ²⁶ Moyo kuli bonse abakwasu nekufyompa kwa mushilo. ²⁷ Nemo namibulishisha mwebo ba Shikulu ukuba na iyi inkalata ukubelengwa kuli bonse aba kwanu. ²⁸ Ukushikwa kwaba Shikulu Yesu kwengaba na mwebo.