¹ Selopas yan aku busik mantau sikuk malaikat laet yang bakah dan kuat turut dari seruga. Ia ditutup bagai omut, dan tepantau busik sanik di pucuk pala ya. Muha ya uba matahari dan kaki ya uba tihak api. ² Ia masuk sutik guluk bukuk senik yang tebuka, kaki kanan ya nijak laut dan kaki kiba ya nijak pucuk darat. ³ Dah yan Ia bebingan kaya uba singa mengaup. Pas ia bebingan kuat tujuh utik guntur pun bebingan. ⁴ Tokak tujuh utik guntur yan bebingan, aku unak nulih ya tapi aku busik ninga ingan dari langit modah " ditabuk jak apai yang dipodah tujuh utik guntur yan dan uang ikau nulih ya. ⁵ Dah yan aku busik mantau malaikat agik bediri di pucuk laut dan pucuk darat iyan, ngangkat jari ya ke pucuk langit. ⁶ Ia besumpah paki Iya yang idup selama-lamanya dan Ia mukah langit dan segala isik ya, jokuk ya; " Nabut sik di tuna lagik." ⁷ Tapi pas ari tokak malaikat ketujuh unak nabuk sangkakal ya, penabuk Allah yan unak tejadi, seapai uba yangh udah dipodah Ya ke sidak pesuruh-pesuruh Ya, sidak nabi. ⁸ Dah yan ingan yang dari langit yan modah aku agik, " angkat am, amik am guluk buku yang tebuka iyan, yang di orok jari malaikat yang bediri di pucuk laut dan pucuk darat." ⁹ Dah yan aku angkat nguang malaikat iyan dan mintak iya sak morik ke aku guluk bukuk senik yan. Dan iya modah, "Amik am buku yan dan di rimah am. Aku unak ngatuh porot kan nyadi pahit, tapi pas di nyawa ingam ya masin uba madu." ¹⁰ Aku lalu ngamik guluk bukuk yang senik iyan dari jari malaikat iyan dan lu ku rimah am. Di mulutku buku yan ingan ya manih uba madu, tapi selopas yan porut ku ingam pahit. ¹¹ Seabih uan tedinga ingan yang modah ke aku, " Ika alah benubuat agik tontak mensia, bangsa, bahasa, dan raja."