¹ Ame mukurona kwa wakuhora Gaius, ghunyande wakuhora akaro mughushiri. ² Vaghunyetu, vakuhora, ame kuna kushungida ashi navintje ndi vimuyendepo nawa ntani mukare muna kanguka, yira moomo vinawapere dimushima denu. ³ Nakalire naruhafo rwarunene paku yuvha vantu kuna kutapa ghumbangi waghuwa waku hamena viruwana vyenu ashi kuna kulimburuka nakutikitamo nkango daghushiri, nakukwama ghushiri ogho mwa tambura ghutikemo. ⁴ Kwato ruhafo rwakupitakana pano, paku yuvha ashi vanavande kuna yenda mughuhunga. ^{6 5} Vaghunyande va kuhora, ghuna hepa kudeghura lipuliro lyoye mukurughanena vakuru voye nava yeni 6 vavo ngava twara ghumbangi washihoro mukatji kambunga. Ove ngaghuruwana nawa mukuvatuma vayende mumaruyendo ghavo gha ghukaro wakuwapera Karunga, ⁷ mukonda yalidina lyendi vayendire vahana kushimba kehevino vyakutunda kuVahedana. ⁸ Mpo ngoli, tuva tambwira mukuruwana kumwe viruwana vyaghuhunga ⁹ Ame kwatjangire vimwe kulipongero, ano ngoli Diwoterefes, ogho ahoro kukara wakuhova mukatjikavo, kapi ashanine kuvatambura. ¹⁰ Ndjeneshi nganiya, ame nganiyamuyita nakuyaghamba kuhamena kovyo anakurughana, namarundiro ghavipempa kwetu nakunkango dadidona, kughupako vyo kapitupu ashwenine kutambura vaghuni navakuru, Ntaninka ashayikitire ovo vashanino kuvatambura nakuvatjida munkirishe. ¹¹ Vaghunyande vakuhora, nakuhonenashi vyavidona enengoli vyaviwa. Kehe ghuno waku ruwana ghuhunga kwa hamena kwa Karunga; wakurughana ghudona kapi ghamona Karunga. ¹² Demeterius atambura ghambangi waghuwa kutundilira kwakeheghuno ntani nakughushiri wene. Natwenka atumu ngambipara, ntani munayiva ashi ghungambi wetu waghushiri. ¹³ Ame nakara nevivyaviyingi vyakumutjangera, ano ngoli kapi na shana kumutjangera nashitjangito sha ndombwe. ¹⁴ Ngoli nahuguvara ntantani ngatuyakumone, ntani ngatuya timwitira kumwe nanwe. ¹⁵ Mpora yikare nanwe. Vaghunyetu vanamukundupo. Kundenu keheghuno palidina.