¹ Ntjangwatumwa yino kuna kutunda kwamukurona yitambe kwamugholikadi vatovorora nakuvana vendi,ogho nahora mughushiri - kapishi Ame mpetjande,anongoli kwanavandje vayivo ghushiri - ² mukonda yaghushiri wakaro mumwetu ano wawo ngaghukara mumwetu nanaruntje nanaruntje. ³ Nkondo,nkenda nampora yaKarunga She yikare nanwe yinakutundo mwaYesusi Kristusi,Mona Sha,yamughushiri namushihoro. ⁴ Ame nahafire ghunene pakuyawana vana voye vamwe kuna kuyenda mughushiri,yira momo twaghutambulire muragho watundiro kwaSha. ⁵ Ano Ame kuna kushungida kukoye, mugholikadi- kapi walye Ame kuna kutjanga muragho waghupe,anongoli ndjoyinya twayuvire pamuntango- ashi tukuhorahorenu. ⁶ Shino ntjo shihoro,ashi tuyendenu kutwara mudimuragho dendi. Oghuno muragho,yira momo mwaghuyuvire pamutango, ashi ndi muyendemo. ⁷ Vakavimpempa vavangi vanakuhaneno mughudjuni, ano vavo kapi vatongononanga ashi Yesusi Kristusi kwayire panyama.Avano mbo vakavimpepa nankore dakristusi. ⁸ Vangarenu mwana ghumwenu,mposhi kapishi ngamukombanite vininke navindje mwaruwanena, mposhi ngamukawane ndjambi yakuyulilira. ⁹ Kehe ghuno wakuyenda apitakane ntani kapi akara mumakushongo ghaKristusi kapi akara naKarunga. Ogho kakarongo mumakushongo,ghuye akara naShe ntani naMone. ¹⁰ Nangeshi kehe ghuno wakuya kukwenu ano amuyitere kapi ana kumuyitira makushongo ghano, mwasha mutambura mumandi ghenu ndi mumumorore. ¹¹ Kehe ghuno wakumumorora kuna kukuhamitira muviruwa vyendi vyavidona. ¹² Ame kuna kara navininke vyavingi vyakumutjangera anwe, anongoli kapi nashana kuvitjanga palipepa nandombwe. Anongoli,Ame nahuguva shi nganiya kukwenu nganiya ghambe nanwe shipara nashipara,mposhi ruhafo rwenu ngaruya tikililiremo. ¹³ . Vana vahewa ghoye vatovorora vana kumorora.