¹ Cosi huënton no'pa aquëtë' mantapiso Cortaniiquerahuarë' Quiricoquë, quirico ninanoquëran pi'i pipirinso parti i'shanaro'sa nitëquirinso' parti quëhuarë', inotëro' parti ya'conahuaton quirico Ninano quëranhuarë' nanpëontarohuaton pitëri Ninano' parti tanano'sa na'huëtopi. ² Pitiri ninano quërahuarë' nosoparti'pahuarë' Nahuërahuatona' áquë pápiquë ataroto'pa'icanpi Atarotoso', arquita piyapiro'sa no'panëna. ³ Pi'i pipirinso parti pa'marahuatona' ahuërititaro'sá, No'panëna quëran Pao huëntono'sa' no'panëna' Piti itopi'pa' Orón parti nisahuaton inaquëra quisiri parti' pa' huarë', océano Panca marë'pa' nitiquirahuaton. ⁴ Isopochin nipi cosi huëntono'sa, Manasësë Huëntono'sa naporahuaton ihuërain huënton no'pa Hua'anëntacaiso nininso Ma'patopi. ⁵ Ihuëraín huënton no'panëna' quëtopiso isopochin nisarin: no'pa quëtopiso nanirin'pa quëra huarë Pi'i pipirinso parti quëran Ataroto partiquërahuë' ataro na'huetahuaton Piti parti inaquëran Orón partipa'. ⁶ Inaquëra huarë Marë sachin pa'ninhuachi. Bicmetal ninano'hua Notëtëroso' parti, tahuitahuatona' pi'i pipirinso partiquëran Tanato parti Siro partiquë huarë' nahuëratona aquëte huarë' pi'i pipirinso parti paatona Anoa'pa huarë' nincanpi. ⁷ Anoa parti quërahuarë pa'marin Ataroto naporahuaton Naarato parti'pa huarë' inaquëran quirico ninano'pa nincanpi cortanii'pa huarë nitiquirin. ⁸ Tapóa partiquëra huarë, no'panëna' nanirin pahuarëso' caná isha parti ahuënan parti quëparitërin naporahuaton Marë pahuarë nanirin. Inaso' ihuërain huënton, no'pa hua'anëntacaiso' quëtopiso', ⁹ Ninaro'sa' Huayonpiso' ihuërain huëntono'sa marë' nipisopitarë chachin. Manasësë Huëntonquë ya'cariya ninano'ahuaro'sa ya'huërinso'. ¹⁰ Inapitaso' co' canano'sa' ocoipihuë' quisëri ninanaquë ya'huëpisopita Napoaton Canano'sa ihuërain Huëntono'sapitarë' iporahuanta' ya'huëapi, Napoaponahuë inapita piyapi'so' chíniquën sacatacaiso' camayantopi.